Tamil-Sri LankaEnglish (United Kingdom)

Ministry of Transport

  • av
  • Ministry of Transport
  • Twb

ආයුබෝවන් ප්‍රවාහන හා සිවිල් ගුවන් සේවා අමාත්‍යාංශය

දැක්ම
"ශ්‍රී ලංකාව කලාපය තුල ප්‍රමුඛතම මහජන කේන්ද්‍රීය ප්‍රවාහන පද්ධතිය සහිත රට බවට පත් කිරීම"

මෙහෙවර
"ජනතාවගේ ජීවන තත්වයන් නගා සිටුවීම උදෙසා නව්‍යතම තාක්ෂණික ක්‍රමෝපායන් භාවිතා කරමින් ඉතා උසස් ප්‍රවාහන යටිතල පහසුකම් ක්‍රියාත්මක කිරීම, සංවර්ධනය සහ තිරසාරව පවත්වාගෙන යාම"

 

පුවත් හා සිදුවීම්

Previous ඊළඟ
  • 1
  • 2
  • 3
වව්නියාව බස් නැවතුම බස් නැවතුම්පල විවෘත කිරීම...

ජාතික ගමනා ගමන කොමිෂන් සභාව විසින් රුපියල් ලක්ෂ 1950 ක වියදමින් ඉදිකරන ලද වව්නියාව බස් නැවතුම්පල 2017.01.17 වන දින ප්‍රවාහන හා සිවිල් ගුවන් සේවා අමාත්‍යතුමා විසින් උත්සවාකාරයෙන් විවෘත කරන ලදී.

මෙහිදී අදහස් දැක්වූ අමාත්‍යවරයා උතුර හා දකුණ යාකිරීමේ භූගෝලීය සංධිස්ථානයක් වන වව්නියාව නව බස් නැවතුම්පල විවෘත කිරීමට හැකිවීම ජාතික සංහිඳියාවේ මූලික ප්‍රයත්නයක් බව ප්‍රකාශ කරන ලදී.

මෙම අවස්ථාවට නියෝජ්‍ය අමාත්‍ය අශෝක් අබේසිංහ, අමාත්‍යාංශ ලේකම් නිහාල් සෝමවීර මහතා ඇතුළු මැති ඇමතිවරු හා රාජ්‍ය නිලධාරීන් විශාල පිරිසක් සහභාගී වූහ.

වැඩිදුර කියවීමට
කටුනායන ගුවන්තොටුපල ධාවන පථය ප්‍රතිසංවර්ධන කටයුතු ආරම්භ කරයි...

1986 වසරේ ඉදි කරන ලද කටුනායක බණ්ඩාරනායක ගුවන්තොටුපලේ ප්‍රතිසංවර්ධන කටයුතු කිරිම 2017.01.06 ආරම්භ කරනු ලබන අතර ඒසදහා 2017 ජනවාරි 06  සිට අප්‍රේල් 05 දක්වා පෙ.ව. 8.30 සිට ප.ව. 2.30 දක්වා පැය 08ක කාලයක් ධාවන පථය වසා දැමීමට තීරණය කර ඇති බව ප්‍රවාහන හා සිවිල් ගුවන්සේවා අමාත්‍යාංශය අවධාරණය කරයි.

මෙම ප්‍රතිසංස්කරණය කටයුතු තුල දැනට ධාවනපථයේ පවතින ඉරිතැලීම, කඩතොලු තත්ත්වයන් අළුත්වැඩියා කොට ගුවන් යානා ගොඩබැස්සවීමේදි හා ගුවන්ගත කිරීමේදි භාවිතා වන ධාවන පථයේ ඝර්ෂණ මට්ටම වැඩි දියුණු කිරිම සදහා ආස්තරණය කිරිමක් සිදු කරනු ලබයි.

ඒ අනුව මෙම සංවර්ධන කටයුතු සිදු කිරිමේදි කාලගුණික තත්ත්වයන් හා සිවිල් ඉංජිනේරු අවශ්‍යතා පිළිබද විශේෂ අවධානයක් යොමු කරමින්ද, ගුවන්තොටුපල භාවිතා කරන ගුවන් සමාගම් සමග සාකච්ඡා කොට ගුවන්තොටුපල වසා දමන කාල පරිච්ඡේදය තීරණය කර ඇත. එමෙන්ම ගුවන් මගීන්ට සිදුවන අපහසුතාවයන් හා ගුවන් ගමන් වාරවල තිබෙන තදබදය අවම කරමින් පැය 08ක කාලසීමාවක් ගුවන්තොටුපල වසා දැමීමට තිරණය කල බව ගුවන්තොටුපල බලධාරින් අවධාරණය කරයි. දැනට දිනකට ගුවන්වාර 175 පමණ සිදු කරනු ලබන අතර, බොහෝ වාණිජ ගුවන්තොටුපල මෙහෙයුම් කාලය ගුවන්තොටුපල විවෘතව තබන කාලය වන පෙ.ව. 8.30 සිට ප.ව. 4.30 දක්වා  ගැනෙන සේ සකස් කොට තිබේ.

ශ්‍රි ලංකා ගුවන් තොටුපල හා ගුවන් සේවා සමාගම මෙසේ ගුවන් තොටුපල  වසාදැමීම හේතුවෙන් එය භාවිත කරන්නන් හට සිදුවන බලපෑම අවම කිරිම සදහා සියළු පියවර ගෙන ඇති අතර ගුවන්තොටුපල පරික්ෂා කිරිමේ කවුළුව ගුවන් ගමන් සදහා සැලසුම් කල කාලයට පැයකට පෙර වසා තැබීමේ ක්‍රමවේදය දැඩි ලෙස ක්‍රියාත්මක කරන බැවින්, පැය 05කට පෙර ගුවන්තොටුපලට පැමිණෙන ලෙස ගුවන් මගීන්ගෙන් කාරුණිකව ඉල්ලා සිටී. එමෙන්ම ගුවන් මගින් සමග පැමිණෙන්නන්ගේ සංඛ්‍යාව හැකිතාක් අඩුකරන ලෙසද ඉල්ලා සිටි.

බලාපොරොත්තු විරහිත වාහන තදබදයක් ඇතිවීම වැළැක්වීම සදහා ගුවන්තොටුපල වෙත කල්වේලා ඇතිව පැමිණෙන ලෙස සියළු ගුවන් තොටුපල භාවිතා කරන්නන්ගෙන් ඉල්ලා සිටිනු ලැබේ. ඉහත සදහන් කාලසීමාවේදි ගුවන්තොටුපල අසල හා ඒ අවට විශේෂ රථවාහන සැලැස්මක් ශ්‍රි ලංකා පොලිසිය විසින් ක්‍රියාත්මක කරනු ලැබේ. සියලු වාහන නියම කොට ඇති ගුවන්තොටුපල වාහන නැවතුම් අංගනවල නතර කළ යුතු අතර රථවාහන තදබදයක් ඇතිවිය හැකි බැවින් වෙනත් ස්ථාවල වාහන නතර කිරිමෙන් වළකින ලෙස රියදුරන් හට දැඩිව අවවාද කරනු ලැබේ.

ඇති විය හැකි අපහසුතා මගහරවාගනු පිණිස විදේශ රැකියා සදහා පිටත්වන ශ්‍රි ලංකිකයන් හට ගුවන්තොටුපලට පැමිණිමට පෙර ශ්‍රි ලංකා විදේශ සේවා නියුක්ති කාර්යංශයේ ප්‍රධාන කාර්යාලයේ හෝ දිවයින පුරා පිහිටා ඇති එහි ශාඛාවල ලියාපදංචි වන ලෙස කාරුණිකව ඉල්ලා සිටිනු ලැබේ. මෙය 2016 නොවැම්බර් 01 සිට එබදු විදේශගත වන මගින් සදහා අනිවාර්ය අවශ්‍යතාවක් වන අතර, ගුවන්තොටුපල, ශ්‍රි ලංකා විදේශ සේවා නියුක්ති කාර්යංශ කාර්යාලයේදි සිදු කරන්නේ ලියකියවිලි පරික්ෂා කිරිම පමණි.

මෙම ප්‍රතිසංස්කරණ කටයුතු චීන සමාගමක් වන කැතික් (Kathik) සමාගම විසින් සිදු කරනු ලබන අතර ප්‍රතිසංවර්ධන ව්‍යාපෘතිය සඳහා ඇමරිකානු ඩොලර් මිලියන 48ක් වැයවන බව අමාත්‍යාංශය පවසයි.

මෙම ප්‍රතිසංවර්ධන කටයුතු ආරම්භ කිරීමේ අවස්ථාවට සහභාගි වෙමින් ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා : ප්‍රවාහන හා සිවිල් ගුවන් සේවා අමාත්‍යවරයා ලෙස මාගේ කාලය තුළ මෙම ජාත්‍යන්තර ගුවන් තොටුපළේ ධාවන පථයේ සංවර්ධන කටයුතු ආරම්භ කිරීමට ලැබීම සතුටට කාරණයක්. මෙම ගුවන් තොටුපළ තවදුරටත් මේ තත්ත්වයේ පැවැති නම් ජාත්‍යන්තර මට්ටමින් අපේ ගුව්න තෙුටපළට හිමි තත්ත්වය පහළ යාමට සිදුවී තිබුණා. ඒනිසා මෙම සංවර්ධන කටයුතු කඩිනමින් සිදු කිරීමට තීරණය කරනු ලැබුවා. ඒ අනුව මාස 03ක් ඇතුළත මෙම ධාවන පථයේ ප්‍රතිසංවර්ධන කටයුතු නිම කිරීමට කටයුතු කරන බව මා පවසනවා. මෙම සංවර්ධන කටයුතුවලට අමතරව ලබන අප්‍රියේල් මාසයේදී ගුවන් තොටුපළේ දෙවන පර්යන්ත ගොඩනැගිල්ලේ ඉදිකිරීම් කටයුතුද ආරම්භ කිරීමට සියලු සැලසුම් යොදා තියෙනවා. මෙම ගුවන් තොටුපළ සංවර්ධනයට සමගාමීව මත්තල ගුවන් තොටුපළට ගුවන් යානා ගෙන්වා ගැනීම සඳහා විශේෂ වැඩ පිළිවෙළක් සැකසීමට ජාත්‍යන්තර ගුවන් සමාගම් සමඟ සාකච්ඡා කර තියෙනවා. දෙවන ගුවන් තොටුපළක් ශ්‍රී ලංකාවට තිබීම ජාත්‍යන්තර ගුවන් සේවා හා සංසංන්දනය කිරීමේදී ඉතාම අවශ්‍යතාවයක්. ඉදිරියේදී මත්තල ගුවන් තොටුපළද අපට වැදගත් ගුවන් තොටුපළක් ලෙස භාවිතා කිරීමට හැකි වෙනවා. නව ගුවන් තොටුපළ පර්යන්තය ඉදිකිරීමෙන් අනතුරුව වසරකට ගුවන් මගීන් මිලියන 20 කට නවීන පහසුකම් සහිතව සේවා සැපයීමට අපට හැකියාව ලැබෙනවා. ඒ අනුව ශ්‍රී ලංකාවේ සංචාරක ප්‍රවර්ධනයට විශාල රුකුලක් ලැබෙව බව මා විශ්වාස කරනවා. ඉදිරියේදී ජාතික රජය විසින් ගුවන් සේවා ක්ෂේත්‍රෙය් විශාල සංවර්ධන කටයුතු රාශීයක් ආරම්භ කිරීමට නියමිතව තිබෙන බවද අමාත්‍යවරයා මෙහිදී පැවසීය.

මෙම ව්‍යාපෘතියේ ඉදිකිරීම් කටයුතු ආරම්භ කිරීම ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා, නියෝජ්‍ය අමාත්‍ය අශෝක් අබේසිංහ යන අමාත්‍යවරුන්ගේ ප්‍රධානත්වයෙන් සිදු කෙරුණ අතර එම අවස්ථාවට අමාත්‍යාංශ ලේකම් නිහාල් සෝමවීර, ගුවන් තොටුපළ සමාගමේ සභාපති සමන් එදිරිවීර ඇතුළු නිළධාරීන් හා චීන කොන්ත්‍රාත් සමාගමේ නියෝජිතයන් පිරිසක්ද සහභාගි වුහ.

වැඩිදුර කියවීමට
පෞද්ගලික බස් වර්ජනය පැවති දින විපතටපත් අයට වන්දි පිරිනැමේ...

දිවයින පුරා පෞද්ගලික බස්රථ වර්ජනයක් පැවති දෙසැම්බර් පලමුවන දින දාමරිකයන්ගේ පහරකෑමකට ලක්වූ බස් මගීන් ඇතුළු බස්රථ ධාවනය කල රියදුරු කොන්දොස්තරවරුන් 23 දෙනෙකුට වන්දි ගෙවීම 2016.12.20 දින පස්වරුවේ නාරාහේන්පිට පිහිටි ලංගම ප්‍රධාන කාර්යාලෙය්දී  ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වෙයන් සිදු කෙරිණ.

මෙම පහර කෑමට ලක්වුවන් අතර රාජකාරි සදහා යමින් සිටි යුධ හමුදා නිළධාරියකු වන නාවලපිටිය පදිංචි චන්දන සුමනරත්න මහතා ඇතුළු මගීන් 04 දෙනෙකු හා සේවයේ යෙදි සිටි බස්රථ රියදුරන් 18 දෙනෙකු හා කොන්දොස්තරවරයකු වේ.  ඒ අනුව පහර කෑමට ලක් වු හමුදා නිළධාරියාට රු 50,000/-ක වන්දියක් පිරිනැමු අතර සෙසු අයටරු. 25,000/-, රු.20,000/- බැගින් වන්දි මුදල් පිරිනැමීමට කටයුතු කරන ලදී.

මෙම අවස්ථාට සහභාගී වු අමාත්‍ය නිමල් සිරිපාලද සිල්වා මහතා : ලංකා ගමනා ගමන මණ්ඩලය විසින් අද දින මේ සිදුකල වන්දි මුදල්  ප්‍රධානයන්  වැඩ වර්ජන දින ලංගම සේවක මහතුන් විසින් සිදුකරන ලද සේවය අගය කිරිමත්, ලංගම ප්‍රවාහන සේවාව පරිහරණය කරන ලද මගී ජනතාව අගය කරන අවස්ථාවක්. රාජ්‍ය ප්‍රවාහන සේවයක් ලෙස එසේ කිරිමට ලංගමට වගකීමක් හා යුතුකමක් තියෙනවා. තමන්ගේ සේවකයන් ආරක්ෂා කිරිම, සේවයේ යෙදි සිටියදි ඔවුන්ට යම් අනතුරක් සිදුවුනා නම් හාම්පුතුන් ලෙස රැකබලා ගැනිම ලංගමයේ වගකීමක්.

තවදුරටත් කරුණු දැක්වු අමාත්‍යවරයා කියා සිටියේ : ලංගමයත් පෞද්ගලික බස් රථත් අතර වර්ථමානයේ පවතින තරඟකාරිත්වය අනුව ලංගම බස්රථවල ගමන් ගන්නා මගීන්ගේ ආරක්ෂාව තහවුරු කිරීම පිළිබඳවද ලංගම බැදී සිටිනවා. ඒ වගකීමත් අද දින ඉටු කර තිබෙනවා.

කිසිසේත් අද දින ලබාදුන් මෙම වන්දි මුදල ප්‍රමාණවත් නොවන බවත් මෙම දීමනාව සංකේතාත්මකව ලබාදුන් වන්දි මුදලක් බව අමාත්‍යවරයා පැවසීය. ගමනාගමන මණ්ඩලයට මුල්‍ය ශක්තියක් තිබෙනවානම් මේ අයට රුපියල් ලක්ෂ 05 ක් 06ක් ලබා දිය යුතුයි.

නුමත් රිම් එකෙන් දුවන ආයතනයක් වන ගමනාගමන මණ්ඩලය මෙවැනි සත් ක්‍රියාවක් කිරීමට ඉදිරිපත් වීමම අමාත්‍යවරයා ලෙස මම ආඩම්බර වෙනවා. මෙම සිද්ධින් ආරංචි වු විගසම මම තීරණය කළා මෙහිදී සේවයේ යෙදී සිටි අයට මෙවැනි දිරි දීමනාවක් ලබා දිය යුත බවට. ඒවගේ ඉදිරියේදී සේවකයන්ට ලංගම විසින් යම් ආවරණයක් ලබාදීමේ වැඩ පිළිවෙළක් සැකසිය යුතුයි. බස්රථ වර්ජනය පිළිබඳව කරුණු දක්වා සිටි අමාත්‍යවරයා : මෙම සිද්ධීන් තුළින් විද්‍යාමාන වන කරුණු රාශියක් තිබෙනවා. ශ්‍රී ලාංකිකයන් වශයෙන් ලැජ්ජාවට පත්විය යුතුයි. ඒ මොකද කිවහොත් පෞද්ගලික බස්  වර්ජනයත් සමඟම මේ වගේ මිනීමරන ව්‍යාපාරයකට අවතීරණ වු අය ගැන අපි ලැජ්ජා විය යුතුයි. වර්ජනය කිරීමට ඕනම අයෙකුට අයිතිය තියෙනවා. නමුත් රාජකාරියක යෙදී සිටින සාමකාමීව ගමන්ගන්නා සිවිල් පුරවැසියන්ට මැර ප්‍රහාර එල්ල කිරීම, වර්ජනය කිරීම්, බිය වැද්දීම කිසිම අයෙකුට ශ්‍රී ලංකාවේ සිවිල් නිතීයේ ඉඩක් නැහැ. ඒ නිසා මම ලංගමයේ නීති අංශයට උපදෙස් ලබා දී තිබෙනවා ; මෙම සිද්ධීන් පිළිබඳව දැනට උසාවිවල තිබෙන නඩු පිළිබඳව සොයා බලා පෞද්ගලිකවම ලංගම නීති නිළධාරීන් ඉදිරිපත් වී විපත්වලට පත්වුවන්ට සාධාරණයක් ලබාදීමට කටයුතු කරන ලෙසට.

තවදුරටත් කරුණු දැක්වු අමාත්‍යවරයා : මෙම පෞද්ගලික බස්රථ වර්ජනය තුළින් ශ්‍රී ලංගම වැනි ආයතන පවත්වාගෙන යාමේ ජාතික අවශ්‍යතාවය ඉහළින්ම පෙන්නුම් කළා. එදා ලංගම වැනි ආයතනයක් තිබුණේ නැතිනම් මුලු මහත් ජනතාවම අතරමං වෙනවා. ඒ නිසා මෙවැනි ආයතන පවත්වාගෙන යාම රුපියල් සත වලින් මනින්නේ නැතුව ඉන් ඔබ්බට ගිය සමාජ සත්කාර කරන්න භාණ්ඩාගාරයට සහ රජයට හොඳ අවස්ථාවක් ලැබුණා. දේශපාලනඥයන්ටද හොඳ අවස්ථාවක් ලැබුණා. ඒ පිළිබඳව මම සතුටු වෙනවා. රාජ්‍ය අංශයෙන් පවත්වාගෙන යනු ලබන ලංගම හා දුම්රිය සේවාවේ අවශ්‍යතාවය මනා ලෙස උද්දීපනය වු අවස්ථාවක් ලෙස ප්‍රවාහන අමාත්‍යවරයා ලෙස මම දකිනවා.

මෙම අවස්ථාවේදී නියෝජ්‍ය අමාත්‍ය අශෝක් අබේසිංහ මහතා කරුණු දක්වමින් කියා සිටියේ . : ශ්‍රී ලංකා ගමනාගමන මණ්ඩලය මම දකින්නේ ඉතාම අඩුපාකම් මැද වඩා හොඳ ප්‍රවාහන සේවාවක් ලබාදෙන ආයතනයක් ලෙස. ඒනිසා රජයට කිසි ලෙසකවත් ලංගමය පෞද්ගලීකරණය කිරීමට කිසිසේත් අවශ්‍යතාවයක් නැහැ. විවිධ වෘත්තිය සමිතිවලින් වැරදි මත ප්‍රචාරය කරමින් සිටිනවා. අද අපි ප්‍රධාන පක්ෂ දෙක එකතු වෙලා ශ්‍රී ලාංකික ජනතවාට අවශ්‍ය හොඳ ප්‍රවාහන සේවයක් ලබාදීමට කටයුතු කරමින් සිටිනවා. අද පෞද්ගලික බස්රථ 21000 ක් රට පුරා ධාවනය කරනවා. නමුත් ලංගම බස්රථ 5500ක් පමණයි ධාවනය කරන්නේ. නමුත් පෞදග්ලික බස්රථ හා කරට කර තරඟ කරමින් මනා ලෙස ප්‍රවාහන සේවාවක් ලබාදීමට කටයුතු කර තිබෙනවා. ඒ නිසා අද  ශ්‍රී ලාංකික ජනතාවට ශ්‍රී ලංගම පිළිබඳ ලොකු විශ්වාසයක් ඇති වෙලා තියෙනකවා. එය තවදුරටත් පවත්වාගෙන යාමට ලංගමයට විශාල වගකීමක් තිබෙනවා. ඒ සඳහා අවශ්‍ය මානව සම්පත් හා භෞතික සම්පත් ලබාදීමට රජය විසින්  කටයුතු කරනවා.

මෙම අවස්ථාවට ලංගම සභාපති රමාල් සිරිවර්ධන මහතා ඇතුළු නිළධාරීන් සහ වෘත්තිය සමිති නායකියින් පිරිසක්ද සහභාගි වුහ.

වැඩිදුර කියවීමට
2020 වසර වනවිට විදුලි දුම්රිය සේවාවන් ආරම්භ කිරීමට පියවර...

ශ්‍රී  ලංකාවේ දුම්රිය සේවයේ තවත් පියවරක් ඉදිරියට තබමින් 2020 වසර වනවිට විදුලි දුම්රිය සේවාවක් ආරම්භ කිරීමට සැළසුම් කර ඇතිබව  ප්‍රවාහන හා සිවිල් ගුවන් සේවා අමාත්‍යාංශය අවධාරණය කරයි.

මෙම කරුණු  හෙළිවුයේ විදුලි දුම්රිය සේවා ව්‍යාපෘතිය ආරම්භකිරීම නිමිත්තෙන් අදාළ පාර්ශවයන් අතර කොළඹ ටාජ් සමුද්‍ර හෝටලයේදී 2016.12.06 වන දින පැවති විශේෂ තාක්ෂණික වැඩමුළුවකදීය.

ව්‍යාපෘතිය සඳහා ආසියානු සංවර්ධන මණ්ඩලය මුල්‍ය ආධාර වැඩපිළිවෙල යටතේ සහන ණය මුදලක් ලබාදීමට කැමැත්ත පලකර ඇත.

වසර 2035 වනවිට  ඇතිවන දුම්රිය මගීන්ගේ ප්‍රවාහන අවශ්‍යතාවයන් පිලිබඳ අවධානය යොමු කරමින් එම අවශ්‍යතාවය සපුරාලීමට ව්‍යාපෘතිය සැළසුම් කර ඇත.

මෙම ව්‍යාපෘතියේ මුල් අදියර යටතේ වේයන්ගොඩ සිට පානදුර දක්වාත්, වේයන්ගොඩ සිට පොල්ගහවෙල දක්වාත්, රාගම සිට මීගමුව දක්වාත්, කැළණිවැලි මාර්ගයේ මරදාන සිට හෝමාගම දක්වාත් විදුලි දුම්රිය සේවාව ආරම්භ කිරීමට නියමිතය.

මෙම ව්‍යාපෘතිය යටතේ පැයට කි.මි 100 ක ධාවන වේගයකින් ගමන් කළ හැකිවන පරිදි දුම්රිය මාර්ගය නවීකරණය කිරීම, නවීන විදුලි සංඥා පද්ධතියන් සවිකිරීම, ස්වයංක්‍රිය දුම්රිය ආරක්ෂක තිරිංග පද්ධතියක් හා නව දුම්රිය ස්ථාන 04 ක් ඉදිකිරීමට නියමිතය.

එමෙන්ම කොළඹ කොටුව සිට පානදුර දක්වා දුම්රිය මාර්ග 3ක්, මරදාන සිට රාගම දක්වා දුම්රිය මාර්ග 4 ක් හා මරදාන සිට හෝමාගම දක්වා දුම්රිය මාර්ග 2 ක් ඉදිකෙරෙන අතර, එතුළින් දුම්රිය ධාවනයේදී ඇතිවන තදබදය අවම කිරීමට හැකිවන බව ව්‍යාපෘතිය අවධාරණය කරයි.

ව්‍යාපෘතියේ නිර්මාණ සැළසුම් කටයුතු 2017 වසරේ ආරම්භ කරනු ලබන අතර 2017 වසරේ දෙසැම්බර් මස වනවිට ඉදිකිරීම් කටයුතු ආරම්භ කිරීමට සැළසුම් කර ඇත.

සමස්ථ ව්‍යාපෘතිය සඳහා ඇමරිකානු ඩොලර් මිලියන 625 ක් වැය වන බව ව්‍යාපෘති අධ්‍යක්ෂ පාලිත සමරසිංහ මහතා අවධාරණය කරයි.

මෙම වැඩමුළුවේදි කරුණු දැක්වු ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා ප්‍රකාශ කලේ  ‘‘ලංකාවේ දුම්රියට දීර්ඝ ඉතිහාසයක් ඇති බවත්, එහෙත් ලොව වෙනත් රටවල තරම් අපගේ දුම්රිය සේවා දියුණු කිරීමට නොහැකිව ඇති බවත්ය. එයට හේතු වශයෙන් භූගෝලීය වශයෙන් බලපාන කරුණු දුම්රිය හරස්මාර්ග නිසා වේගය අඩුකිරීමට සිදුවීම, තාක්ෂණික ශිල්පීන්ගේ හා ඉංජිනේරුවන්ගේ හිඟය, දුම්රිය මාර්ග අවට අනවසර පදිංචිවීම් යන කරුණු බලපා ඇති බවයි

එම නිසා දුම්රිය මාර්ග සංවර්ධන ව්‍යාපෘතිය ක්‍රියාත්මක කිරීම සඳහා විශාල වශයෙන් වෙහෙසක් හා වියදමක් දැරීමට සිදුවන බවද සඳහන් කරයි.

ඒවගේම මෙම ව්‍යාපෘතිය ක්‍රියාත්මක කිරීමේදි සංවේදී සමාජ ප්‍රශ්න පිලිබදව අවධානය යොමුකල යුතු බව අමාත්‍යවරයා අවධාරණය කරයි. නව දුම්රිය මාර්ග ඉදිකිරීමේදී ඒ අවට පදිංචි පිරිස් ඉවත් කිරීමට සිදුවන්නේ නම් විකල්ප අවස්ථාවන් පිළිබඳවද සැළකිය යුතු බවද සදහන් කරන අතර ජනතාවට අවම හානියක් වන විදිහට කටයුතු සිදුකල යුතු බවද අමාත්‍යවරයා තවදුරටත් සඳහන් කළේය.

වැඩිදුර කියවීමට
ත්‍රීරෝද රථ නියාමනය සඳහා ජාතික ප්‍රතිපත්තියක් සැකසේ...

80 දශකයේ අගභාගයේදී ආරම්භ වු ශ්‍රී ලංකාවේ ත්‍රිරෝද රථ වලින් මගී ප්‍රවාහන කටයුතු සඳහා නිසි නියාමනයක් හෝ නීති සහ රෙගුලාසි නොමැතිව පැවති අතර මෙම මගී ප්‍රවාහන කටයුතු සඳහා නව නීති සහ රෙගුලාසි පද්ධතියක් ඇතුලත් ජාතික ප්‍රතිපත්තියක් සැකසීමට ප්‍රවාහන හා සිවිල් ගුවන් සේවා අමාත්‍යාංශ‍යේදී 2016.12.19 දින ආරම්භ කරන ලදි.

මෙම ජාතික ප්‍රතිපත්තිය සැකසීම පිළිබඳව ත්‍රීරෝද රථ සංගම් දැනුවත් කිරීම සහ ඔවුන්ගේ අදහස් දැනගැනීම සඳහා ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් විශේෂ සාකච්ඡාවක් 2016.12.19 දින පෙරවරුවේ සෙත්සිරිපායේ පිහිටි ප්‍රවාහන අමාත්‍යාංශ ශ්‍රවණාගාරයේදි පැවැත්විණ.

මෙහිදී ප්‍රධාන කරුණු 09 ක් යටතේ සාකච්ඡා පැවැත්වු අතර ත්‍රීරෝද රථ රියදුරු සංගම් විසින්ද යෝජනා කීපයක් අමාත්‍යවරයා වෙත ඉදිරිපත් කරන ලදි. ඔවුන්ගේ එක් ඉල්ලීමක් වුයේ පැයට කිලේමීටර 40 යේ වේග සීමාව පැයට කිලෝමීටර 50 දක්වා වැඩිකිරීමයි. එම කරුණු පිලිබඳව පොලීසිය ඇතුලු අදාළ ආයතන සමග සාකච්ඡා කොට ඉදිරියේදී තීරණයක් ගැනීමට මෙම සාකච්ඡාවේදී එකඟ විය.

දැනට ශ්‍රී ලංකාව තුළ ත්‍රීරෝද රථ ලක්ෂ 12 ක පමණ සංඛ්‍යාවක් තිබීම සැලකිල්ලට ගනිමින්  අමාත්‍යවරයා විසින් ඉදිරියේදී ත්‍රීරෝද රථ ආනයනය කිරීම සීමා කිරීමට පියවර ගන්නා බවත් වයස අවුරුදු 35 ට වැඩි අයට ත්‍රීරෝද රථ ධාවනය සඳහා බලපත් ලබාදීමට තීරණය කරඇති බවත් පැවසීය. ඒ පිළිබඳව සංගම් වලින් අමාත්‍යවරයා වෙත ඉතා ධනාත්මක ප්‍රතිචාරයක් ලැබුණු අතර ඉදිරි කාලය තුළදී මෙම නීති හා රෙගුලාසි පාර්ලිමේන්තුවට ඉදිරිපත්කර සම්මත කරගැනීමෙන් අනතුරුව නීති කෙටුම්පත් දෙපාර්තමේන්තුවට ඉදිරිපත් කරන බවද ප්‍රකාශ කළේය.

මෙහිදී තවදුරටත් අදහස් දැක්වු අමාත්‍යවරයා : ත්‍රීරෝද රථ වලින් ගමන් ගන්නා මගීන්ගේ ජීවිත ආරක්ෂාව සඳහාත් ත්‍රීරෝද රථ රියදුරන්ගේ සුරක්ෂිතභාවය සඳහා මෙම ජාතික ප්‍රතිපත්තිය ගෙන ඒමට අදහස් කල බව  පැවසීය. එම නීති රෙගුලාසි කෙටුම්පත් කර පාර්ලිමේන්තුවට ඉදිරිපත් කිරීමට ප්‍රථමඅදාළ වෘත්තිකයන් සමඟ සාකච්චා කිරීමටත් ඔවුන්ගේ අදහස් පාර්ලිමේන්තුවට ගෙනයාමටත් තමා අදහස් කල බව පැවසිය.

මෙම නීති පද්ධතිය සැකසීමට මෝටර් රථ කොමසාරිස් දෙපාර්තමේන්තුව, ශ්‍රී ලංකා පොලීසිය, නීතිපති දෙපාර්තමේන්තුව හා ප්‍රවාහන අමාත්‍යාංශය ඒකාබද්ධ වී කටයුතු කිරීමට සුදානම් බවත් සියලු ත්‍රීරෝද රථ සංගම් වල පූර්ණ සහයෝගය ලබාදීමට ඔවුන් එකඟ වු බව පැවසු  අමාත්‍යවරයා ත්‍රීරෝද රථ භාවිතා කරන මගීන්ගේ සහයද ලැබිය යුතු බව පැවසීය.

මිල පාලනය කිරීම වැනි ක්‍රමවේද වලට ප්‍රවාහන අමාත්‍යාංශය මැදිහත් නොවන බවත් ඒ සඳහා මැදිහත් වීමට බලයක් නොමැති බවත් ප්‍රකාශ කලේය. එමෙන්ම ත්‍රීරෝද රථ වල ගමන් ගන්නා අයත් ත්‍රීරෝද රථ හිමියනුත් මේ සඳහා පුර්ණ සහයෝගය ලබාදිය යුතු බවත් මෙම නියාමනය තුළින් ත්‍රීරෝද රථ ප්‍රවාහන සේවය වඩාත් ඉදිරියට ගෙනයාමට හැකියාව ලැබෙන බවද ප්‍රකාශ කලේය. ත්‍රිරෝද රථ හිමියන්ගේ හා රියදුරන්ගේ ගැටළු රාශියක් තිබෙන බවත් ඒ පිළිබඳව මුදල් අමාත්‍යවරයා දැනුවත් කරන බවත් එහිදී පැවසීය.

මෙහිදි ජාතික ඒකාබද්ධ ත්‍රීරෝද රථ රියදුරන්ගේ සංගමයේ නියෝජිත එන්.රෝහන පෙරේරා සහ සමස්ත ලංකා ත්‍රීරෝද රථ හිමිකරුවන්ගේ හා රියදුරන්ගේ සමිති සම්මේලනයේ ජාතික සංවිධායක බී.කේ.සුසිල් රුද්‍රිගෝ යන මහත්වරුන්ද අදහස් දැක්වුහ.

මෙම අවස්ථාවට ප්‍රවාහන අමාත්‍යාංශ ලේකම් නිහාල් සෝමවීර මහතා, මෝටර් රථ ප්‍රවාහන කොමසාරිස් ජනරාල් ජගත් චන්ද්‍රසිරි මහතා, ශ්‍රී ලංකා පොලීසියේ ජ්‍යෙෂ්ඨ පොලිස් අධිකාරී වරයෙකු ඇතුලු නිළධාරීන් පිරිසක් සහභාගී වුහ.

වැඩිදුර කියවීමට
වසර 08කට පසු දුම්රිය නියාමකවරු 114කට පත්වීම්...

වත්මන් දුම්රිය සේවාවට විශාල ලෙස අවශ්‍යව තිබු මානව සම්පතක් වන දුම්රිය නියාමකවරුන් වසර 08 ට පසු දුම්රිය දෙපාර්තමේන්තුවට බඳවා ගැනීමට කටයුතු කර ඇත. ඒ අනුව 2016.11.09 දින දුම්රිය දෙපාර්තමේන්තුව අළුතින් දුම්රිය නියාමකවරුන් 114 දෙනෙකුගෙන් සමන්විත කණ්ඩායමක් බඳවා ගන්නා ලදී.

වත්මන් රජය බලයට පත්වීමත් සමග වත්මන් ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා විසින් ආරම්භ කළ මානව සම්පත් වැඩ පිළිවෙළ යටතේ දුම්රිය දෙපාර්තමේන්තුවට අවශ්‍යව තිබු දුම්රිය ස්ථානාධිපතිවරු. දුම්රිය රියදුරු, දුම්රිය නියාමකවරුන් මේ වන විට බඳවා ගෙන ඇත. වත්මන් දුම්රිය සේවාව ගුණාත්මකභාවයකින් යුක්තව පවත්වාගෙනයාමට දුම්රිය දෙපාර්තමේන්තුව තුළ නියාමකවරුන් 680ත් සිටිය යුතුව තිබු අතර මේ දක්වා එම සේවාව සඳහා සිටියේ නියාමකවරුන් 432 දෙනෙකු පමණක් බවත්, දුම්රිය නියාමකවරුන් 114 දෙනෙකු අළුතින් බඳවා ගැනීම ජනතාවට ගුණාත්මකභාවයෙන් යුතු දුම්රිය සේවාවක් ලබාදීමට විශාල පිටුවහලක් වී ඇති බව දුම්රිය දෙපාර්තමේන්තු අවධාරණය කරයි.

එමෙන්ම දුම්රිය දෙපාර්තමේන්තුව හා ශ්‍රී ලංකා විභාග දෙපාර්තමේන්තුව විසින් විධිමත් අයුරින් ලිඛිත විභාග හා සම්මුඛ පරීක්ෂණ පවත්වා විනිවිද භාවයකින් යුතුව මෙම බඳවා ගැනීම් සිදුකර ඇති බවද දුම්රිය දෙපාර්තමේන්තු තවදුරටත් අවධාරණය කරයි.

මෙහිදී අදහස් දැක්වු අමාත්‍යවරයා කියා සිටියේ :දුම්රිය දෙපාර්තමේන්තුවේ කාලාන්තරයක් තිබුණු අඩුපාඩුවක් සපුරාලමින් දුම්රිය නියාමකවරුන් 114ක් බඳවා ගැනීමට හැකිවීම විෂයභාර අමාත්‍යවරයා වශයෙන් තමා සතුටට පත්වන බවය.

එමෙන්ම මෙම බඳවා ගැනීම විශේෂයෙන්ම ජාතික රජය මගින් ඉතාම පාරදෘශ්‍ය භාවයකින් හා යහපාලනයකින් යුක්තව සිදු කළා. විෂයභාර අමාත්‍යවරයා වශයෙන් හැමවිටම මේ ප්‍රතිපත්තිය අනුගමනය කරනවා. මෙම බඳවාගැනීම් තුළ මගේ දේශපාලන හිතවතුන් හෝ ඥාතීන් නෑ. මේ සියලු දෙනාම ඔවුන්ගේ කුසලතාවයන් මත විභාග දෙපාර්තමේන්තුව විසින් පැවැත්වු විභාගය මගින් ඉහළම සාමාර්ථ ලබමින් සම්මුඛ පරීක්ෂණයකට මුහුණ දෙමින් දක්ෂතාවයන් ප්‍රගුණ කරමින් ලබාගත් පත්වීම්. ඒ සඳහා අපි අවස්ථාව ලබා දුන්නා. කිසිදු දේශපාලන තීන්දුවක් ගත්තේ නැහැ.

මේ පත්වීම් ගත්ත අයගේ දේශපාලන පක්ෂය පාට බැලුවේ නැහැ. ඒ කුසලතාවයන් මත සේවයට බැඳී සේවය කිරීමට මේ අයට ඉඩ සැලසී තියෙනවා. දුම්රිය එන්ජින් රියදුරන් බඳවා ගන්නෙත් ඒ අයුරින් බවද අමාත්‍යවරයා ප්‍රකාශ කළේය. ඒ නිසා දුම්රිය දෙපාර්තමේන්තුව ගෙන යෑම සඳහා මෙවැනි තරුණ කණ්ඩායම් අවශ්‍ය බවද ඔවුන්ගේ පෞරෂත්වය ගොඩනැංවිය යුතු බවද පැවසීය. මේ තුළින් හොඳ දුම්රිය සේවාවක් ලබාදිය හැකි බවද පැවසීය.

තවදුරටත් දුම්රිය දෙපාර්තමේන්තුව පිළිබඳ අදහස් දැක්වු අමාත්‍යවරයා කියා සිටියේ : තමා මෙම අමාත්‍යාංශය භාරගැනීමෙන් පසුව දුම්රිය දෙපාර්තමේන්තුවේ සේවක ගැටළු විසඳීමට මුල්තැනක් දුන් බවත් ඉදිරියේදී දුම්රිය සංවර්ධනයට කටයුතු කරන බවත් ඒ සඳහා දුම්රිය මැදිරි දුම්රිය එන්ජින් ආනයනය කරන බවද දුම්රිය මාර්ග සංවර්ධනය කරන බවද පැවසීය. දුම්රිය හරස් මාර්ග සඳහා විදුලි සංඥා පද්ධති ඉදිකිරීමේ කටයුතු මේ වසර දෙක ඇතුළත සිදු කර අවසන් කරන බවටත් තවදුරටත් පැවසීය.

මෙම අවස්ථාවට නියෝජ්‍ය අමාත්‍ය අශෝක් අබේසිංහ, අමාත්‍යාංශ ලේකම් නිහාල් සෝමවීර, දුම්රිය සාමාන්‍යාධීකාරී බී.ඒ.පී.ආරියරත්න ඇතුළු නිළධාරීන් රැසක්ද සහභාගි විය.

 















වැඩිදුර කියවීමට