Tamil-Sri LankaEnglish (United Kingdom)

Ministry of Transport

ඔබ මෙතනයි:  මුල් පිටුව පැණ විසදුම්

පැණ විසදුම්

ලිපි සුචිය
පැණ විසදුම්
පිටු 2 කි
සියළුම පිටු

ශ්‍රී ලංකා ගමනාමන මණ්ඩලය

1. ශ්‍රී ලංගම දුරගමන් සේවා බස්රථ ධාවන කාලසටහන් පිළිබඳ විස්තර දැනගන්නේ කේසේද?

ශ්‍රී ලංගම ප්‍රධාන කාර්යාලයේ දුරකථන අංක 0117555555 අමතා තොරතුරු දැනගත හැකිය.

2. ශ්‍රී ලංගම බස් රථයකදී සිදුවන අපහසුතා දැන්විය යුත්තේ කාහටද?

මගියාට ශ්‍රීලංගම බස් රථයක් තුලදී රියදුරු තනතුරක්, කොන්දොස්තර තනතුරක් හෝ බස් රථයේ අඩුපාඩුවක් මත යම් අපහසුතාවයක් ඇතිවන්නේ නම් ශ්‍රී ලංගම ක්ෂණික ඇමතුම් අංකය වන 0117 555555 අංකය මගින් ශ්‍රී ලංගම ප්‍රධාන විධායක හෝ නියොඡ්‍ය සාමාන්‍යධිකාරී (ධාවන) හෝ පැමිණිලි බාර ගැනීමේ අංශයට දැනුම් දිය හැකීය.

3. ශ්‍රී ලංගම බස් රථයන් හී තම ගමන් මල්ලක් අමතක වී යාමේදි ගතයුතු ක්‍රියාමාර්ගය කුමක්ද?

මෙහිදී අදාල ටිකට්පත ලගතබා ගනිමින් ශ්‍රී ලංගම ක්ෂණික ඇමතුම් අංකය වන 0117 555555 හෝ අදාල බස් රථය අයත් ඩිපෝ අධිකාරී තැන අමතන්න. ඔබට අපගේ පහසුකම් සැලසීමේ කටයුතු ක්‍රියාත්මක වේ.

4. අමතන්න ශ්‍රීලංගම ප්‍රධාන කාර්යාලය සහ ඩිපෝ  කාර්යාල.

මාර්ග ආරක්ෂාව පිළිබඳ ජාතික සභාව

1. හඳුනා නොගත් රිය අනතුරු සඳහා වන්දි ගෙවීම සම්බන්ධයෙන් විමසීම් ?

ලිපිනය - ලේකම්,

මාර්ග ආරක්ෂාව පිළිබඳ ජාතික සභාව,

ප්‍රවාහන අමාත්‍යාංශය,

අංක 01, ඩී. ආර්. විජේවර්ධන මාවත,

කොළඔ 10.

දුරකථන අංකය - +94 112 696 890

ෆැක්ස් අංකය - +94 112 680 163


මොටර් රථ ප්‍රවාහන දෙපාර්තමේන්තුව

අප දෙපාර්තමේන්තුව විසින් ලබා දෙනු ලබන සේවාවන් අතුරින් ප්‍රධාන වශයෙන් වාහන ලියා පදිංචි කිරීම, හිමිකමි පැවරීම හා රියදුරු බලපත්‍ර නිකුත් කිරීම දැක්විය හැක.

රියදුරු බලපත්‍ර නිකුත් කිරීමේ මූලික කටයුතු වේරහැර කාර්යාලය මඟින් ද වාහන ලියා පදිංචිය පැවරීම ඇතුළු අනෙකුත් කාර්යයන් නාරාහේන්පිට ප්‍රධාන කාර්යාලය මඟින් ද සිදුවන අතර සේවාලාභී මහජනතාව ඒ ඒ කාර්යයන් පිළිබඳ අවශ්‍ය දැනුවත් වීම් සඳහා පැන නඟින ගැටළු වලට අවශ්‍ය විසඳුම් අදාල ශාඛාවේ පොදු දුරකථන අංක මඟින් හෝ සෘජුව මාණ්ඩලික නිළධාරී මාර්ගයෙන් ලබා ගැනීමට අවශ්‍ය පහසුකම් සලසා ඇත.

අමතන්න ‍වේරහැර ශාඛා කාර්යාලය සහ දිස්ත්‍රික් කාර්යාල

ජාතික ප්‍රවාහන වෛද්‍ය ආයතනය

සේවා සපයන වේලාවන් :- පෙ.ව 7.30 සිට ප.ව 3.30

වෛද්‍ය සහතිකයක් ලබා ගැනීමට කොපමණ වේලාවක් වැය වන්නේද:- විනාඩි 45 පමණ

 

ජාතික ගමනාගමන කොමිෂන් සභාව

1. අර්ධ සුබෝපභෝගී සේවාවේ වැඩි (බස්) ගාස්තුවක් අයකිරීම හැර එම සේවාවත් සාමාන්‍ය සේවාවත් අතර වෙනස කුමක්ද?

අර්ධ සුබෝපභෝගී සේවාවේ බස් රථ වල ප්‍රවාහනය කරනු ලබන්නේ ආසනගත මගීන් පමණක් වන අතර නැවැත්විය හැක්කේ නැවතුම් පල සිමීත සංඛ්‍යාවක පමණක් බැවින් සාමාන්‍ය සේවා බස් රථයකට වඩා අඩු කාලයක් තුළ ගමනාන්තයට ළඟා විය හැකිය.

2. බස් රථයට ගොඩවීමට ප්‍රථම එය අර්ධ සුබෝපභෝගී සේවාවට අයත් එකක් යයි හඳුනාගන්නේ කේසේද?

අර්ධ සුබෝපභෝගී සේවාවට අයත් බස් රථ වල ඉදිරිපස, පිටුපස හා ගොඩවන පැත්තෙහි ගමනාන්ත දැක්වෙන ස්ට්කර් නිල් පැහැ වන අතර එම ස්ටිකරයෙහි ඉංග්‍රීසී එස් (s) අක්ෂරය සටහන් කර ඇත.

3. යම් කිසි මාර්ගයක් සඳහා බස් රථ සේවාවක් ලබා ගන්නේ කෙසේද?

නව බස් රථ සේවාවක් ආරම්භ කිරීම සඳහා ඉල්ලීම ජාතික ගමනාගමන කොමිෂන් සභාව වෙත ලැබුණු පසු අදාල මාර්ගයෙහි පවතින මගී ඉල්ලුම ඇතුළු තවත් සාධක කිහිපයක් සම්බන්ධයෙන් සමීක්ෂණයක් කර දත්ත එක් රැස් කර වාර්තාවක් සකස් කරනු ලබයි. ඉන්පසු එම වාර්තාවෙහි තොරතුරු මත කොමිෂන් සභාව සෑහීමකට පත් වන්නේ නම් සුදුසු ධාවකයෙකු තොරා ගැනීම , විවෘත ටෙන්ඩර් පරිපාටියක් ඔස්සේ සිදු කරනු ලබයි.

4. මහජන පැමිණිලි සිදු කරන තැනැත්තා/තැනැත්තිය අදාල පැමිණිලි විභාගය සඳහා අනිවාර්යයෙන් සහභාගි විය යුතුද?

ඔව්. පැමිණිලිකරුගේ සාක්ෂි නොමැතිව නියම විසඳුමක් ලබා දිය නොහැකි අතර චූදිත පාර්ශවය ඉදිරිපත් කරනු ලබන කරුණු පිළිගැනීමට සිදුවීම මත අවසන් තීන්දුව ලබා දීමට සිදුවේ. එම නිසා දෙපාර්ශවයේම සහභාගිත්වය අනිවර්ය වේ.



 

නැවුම් පුවත්

Previous ඊළඟ
  • 1
  • 2
  • 3
දුම්රිය මාර්ගයේ පීලී එලීමේ කටයුතු ආරම්භ කිරීම... (2017.02.06)

වෘත්තිය සමිති එකිනෙකා කා කොටා නොගෙන සමගියෙන් එකා මෙන්ම අප හට සහය දක්වන්නේ නම් ගුණාත්මක මෙන්ම වර්ණවත් දුම්රිය සේවාවක් ජනතාවට ලබාදිය හැකි බව ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා ඊයේ 2017.02.06 දින පස්වරුවේ කොළඹ කොටුව දුම්රිය ස්ථානයේදී පැවති රැස්වීමකදී පැවසීය.

කොළඹ සිට කළුතර දක්වා තිබු ද්විත්ව දුම්රිය මාර්ගය කළුතර සිට පයාගල දක්වා දීර්ඝ කිරීමේ අවස්ථාවට සහභාගී වීමට සහ අළුතින් දුම්රිය දෙපාර්තමේන්තුවට මිලදී ගත් මෝටර් ට්‍රොලි 03ක් නඩත්තු කටයුතු සඳහා මුදා හැරීමේ අවස්ථාවට සහභාගි වෙමින් අමාත්‍යවරයා මෙම අදහස් පල කළේය.

මෙම අවස්ථාවට ප්‍රවාහන අමාත්‍යාංශයේ ලේකම් නිහාල් සෝමවීර, දුම්රිය සාමාන්‍යාධීකාරි බී.ඒ.පී.ආරියරත්න යන මහත්වරුන් ඇතුලු නිළධාරීන් පිරිසක් සහභාගී වුහ.

වැඩිදුර කියවීමට
නව දුම්රිය කාලසටහනක් ප්‍රකාශයට පත් කරයි...(2017.02.20)

දුම්රිය දෙපාර්තමේන්තුව විසින් සංස්කරණය කරන ලද නව වේලාවන්ට අනුව සකසන ලද  දුම්රිය කාලසටහන ප්‍රකාශයට පත් කිරීම 2017.02.20 දින පෙරවරුවේ ප්‍රවාහන හා සිවිල් ගුවන් සේවා අමාත්‍යාංශ ශ්‍රවණාගාරයේදී සිදු කෙරිණ.

මෙහිදී අමාත්‍යවරයාගේ ඉල්ලීමකට අනුව  ලබන මාස සිට මෙම නව කාලසටහන මහජනතාව වෙත මිලදී ගැනීමට හැකිවන පරිදි ප්‍රධාන දුම්රිය ස්ථානවලට ලබාදීමට කටයුතු කරන බව දුම්රිය සාමාන්‍යාධීකාරිවරයා පැවසීය. නව කාලසටහනේ ප්‍රථම මුද්‍රිත පිටපත අමාත්‍ය නිමල් සිරිපාල ද සිල්වා මහතා වෙත දුම්රිය සාමාන්‍යාධිකාරී බී.ඒ.පී.ආරියරත්න මහතා විසින් භාරදුන් අතර මෙම අවස්ථාවට අමාත්‍යාංශ අතිරේක ලේකම්වරුන් වන තිලකරත්න බණ්ඩා, ආර්.එම්.රත්නායක සහ දුම්රිය මෙහෙයුම් අධිකාරී විජය සමරසිංහ යන මහත්වරුන් සහභාගි වුහ.

වැඩිදුර කියවීමට
ප්‍රවාහන සේවයේ සංවර්ධන කටයුතුවලට ඉන්දුනීසියාවේ සහය...(2017.02.23)

ශ්‍රි ලංකාව තුළ ඉදිරියේදී සිදු කෙරෙන සංවර්ධන කටයුතු සඳහා ඉන්දුනීසීයානු රජයේ පුර්ණ සහයෝගය ලබාදෙන බව හා ඉදිරියේදී ශ්‍රී ලංකාවේ දුම්රිය සේවය නඟා සිටුවීමට අවශ්‍ය සහය ලබා දෙන බව ඉන්දුනීසියානු උප විදේශ අමාත්‍ය ඒ.එම්.ෆචීර් මහතා ප්‍රකාශ කරන ලදී.

උප අමාත්‍යවරයා මෙම කරුණු හෙලි කළේ 2017.02.23 දින ප්‍රවාහන හා සිවිල් ගුවන් සේවා අමාත්‍ය කාර්යාලයේදී අමාත්‍ය නිමල් සිරිපාල ද සිල්වා මහතා හමුවු අවස්ථාවේදීය.

මෙම අවස්ථාවට අමාත්‍යාංශයේ ලේකම් නිහාල් සෝමවීර මහතා සහ ඉන්දුනීසීයානු තානාපති කාර්යාලයේ නිළධාරීන් කිහිප දෙනෙක්ද සහභාගි වූහ.

වැඩිදුර කියවීමට
දුම්රිය මගීන්ගේ පහසුව සඳහා ටේලර් මැෂින් 300 ක් දුම්රිය ස්ථානවලට...(2017.02.27)

දුම්රිය මගීන්ට දෛනිකව සිදු කර ගත යුතුව තිබෙන බැංකු කටයුතු  පහසු කිරීමේ අරමුණ ඇතුව ප්‍රධාන දුම්රිය ස්ථාන 100ක මහජන බැංකු ටෙලර් යන්ත්‍ර 300 ක් සවි කිරීමට කටයුතු ආරම්භ කිරීමට අවබෝධතා ගිවිසුම අත්සන් තැබීම 2017.02.27 දින අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් ප්‍රවාහන හා ගුවන් සේවා අමාත්‍යාංශයේදී සිදුවිය.
මෙම අවස්ථාවට දුම්රිය සාමාන්‍යාධිකාරී බී.ඒ.පී .ආරියරත්න, මහජන බැංකුවේ ප්‍රධාන විධායක නිළධාරී සහ සාමාන්‍යධීකාරී එන් වසන්ත කුමාර් යන මහත්වරුන් ඇතුළු අමාත්‍යාංශයේ සහ මහජන බැංකුවේ නිළධාරීන් පිරිසක්ද සහභාගි වුහ.

වැඩිදුර කියවීමට
රත්මලාන ගුවන් තොටුපළෙන් ජාත්‍යන්තර වෙළඳ ගුවන් සේවා...(2017.03.10)

රත්මලාන ගුවන් තොටුපළෙන් ජාත්‍යන්තර වෙළෙඳ ගුවන් සේවා මෙහෙයුම් කටයුතු ආරම්භ කිරීමට නියමිත බව ප්‍රවාහන හා සිවිල් ගුවන් සේවා අමාත්‍යාංශය පවසයි.

පසුගියදා  පැමිණි මාල දිවයින් සංචාරක හා ගුවන් සේවා අමාත්‍ය මූසා සමීර් මහතා හා ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා අතර මෙම ගුවන් සේවා ආරම්භ කිරීම පිළිබඳ මූලික සාකච්ඡාව 2017.03.07 දින රත්මලාන ගුවන් තොටුපළ පර්යන්තයේදී පැවැත්විණි.

මෙම සාකච්ඡාවට ශ්‍රී ලංකාවේ මාලදිවයින් තානාපතිනය වන සහියා සාරීර්, මාල දිවයින් ජාත්‍යන්තර ගුවන් සමාගමේ කළමණාකරණ අධ්‍යක්ෂ අබ්දුල් හරීස්, ගුවන් මෙහෙයුම් ප්‍රධානි අහමඩ් ඊබ්‍රහිම්, ගුවන් තොටුපළ සමාගමේ සභාපති සමන් එදිරිවීර, විධායක අධ්‍යක්ෂ යොහාන් ජයරත්න යන මහත්වරුන්ද සහභාගි වූහ.

වැඩිදුර කියවීමට
රියදුරු පැසැල් ඇති කිරිමට රියදුරු පුහුණු උපදේශකයින් අවශ්‍යයි... (2017.03.08)

2017.03.08 දින බණ්ඩාරණායක සම්මන්ත්‍රණ ශාලාවේදී පැවති සමස්ත ලංකා රියදුරු පාසැල් හිමියන්ගේ වාර්ෂික සම්මේලනය අමතමින් ගරු අමාත්‍ය නිමල් සිරිපාල ද සිල්වා මහතා පවසා සිටියේ ඉදිරියේදි බලපත් ලාභී පුහුණු උපදේශකයින් යොදා ගනිමින් ගුණාත්මක භවයෙන් යුතු තාක්ෂණික හා ප්‍රයෝගික දැනුම සහිත රියදුරන් බිහි කිරීමට පියවර ගැනීම තම අපේක්ෂාව බවයි.

මෙම අවස්ථාවට නියෝජ්‍ය අමාත්‍ය අශෝක් අබේසිංහ, මෝටර් රථ ප්‍රවාහන කොමසාරිස් ජගත් චන්ද්‍රසිරි මහතා ඇතුළු විශාල පිරිසක් සහභාගි වූහ.

වැඩිදුර කියවීමට