Tamil-Sri LankaEnglish (United Kingdom)

Ministry of Transport

ඔබ මෙතනයි:  මුල් පිටුව ව්‍යාපෘති National Transport Medical Institute

ජාතික ප්‍රවාහන වෛද්‍ය ආයතනය

ආයතනය මගින් ලබාදෙන සේවාවන්හි ප්‍රගතිය

  • ආයතනයට අයත් වෛද්‍ය නීති මාලාවක් තිබීම දීර්ඝකාලීන අවශ්‍යතාවයක් විය. මණ්ඩලය මගින් පත්කරන ලද වෛද්‍ය නිලධාරින්ගේ කමිටුවකින් එය පිළියෙල කර අධ්‍යක්ෂක මණ්ඩලයෙන් අනුමත කර ජාතික ප්‍රවාහන වෛද්‍ය ආයතනයේ සියළුම වෛද්‍ය නිලධාරින් අතර එය බෙදාහරින ලදී.
  • ශාඛාවලට පැමිණෙන සියළුම සේවාදායකයින් සඳහා අහඹුවෙන් කරන මූත්‍රා පරික්ෂණ වෙනුවට රුධිර පරික්ෂණ හදුන්වා දීමෙන් දියවැඩියා රෝගීන් පහසුවෙන් හදුනා ගැනීමට හැකි වී ඇත.
  • රසායනාගාරය පුළුල් කර පාරිභෝගිකයන් වෙත නව පරීක්ෂණ කීපයක් හදුන්වා දෙන ලදී. ඒ සඳහා නව රසායනාගාර උපකරණ මිලදී ගන්නා ලදී.
  • කුරුණෑගල ශාඛාව නගර මධ්‍යයේ සේවාදායකයන්ට පහසු ස්ථානයකට ගෙන යන ලදී.
  • මණ්ඩලය මගින් පිළිගත් පරිපාලන නීතිරීති සංග්‍රහයක් පිළියෙල කර, අධ්‍යක්ෂක මණ්ඩලයෙන් අනුමත කර දැනට භාවිතා වේ.
  • ඖෂධ මිලදී ගැනීමේදී තරඟකාරි මිලක් ලබාගැනීම සඳහා පියාපදිංචි, පිළිගත් ඖෂධ සැපයුම්කරුවන්ගෙන් මිල ගණන් කැඳවා ඒවා මිලදී ගැනීම සුළු ටෙන්ඩර් මණ්ඩලය මගින් ඉටු කෙරේ.
  • ආයතනයේ නව සේවා සංස්කෘතියක් ගොඩනැඟීමේ අරමුණින් එහි සේවක මණ්ඩලයේ යහපත් ආකල්ප ප්‍රගුණ කරවීමට පිළිගත් දේශකයින් ලවා සම්මන්ත්‍රණ කීපයක් පවත්වන ලදී.
  • සිය සේවක මණ්ඩලයට වෘත්තීමය පුහුණුවක් ලබාදීම ආයතනයේ දීර්ඝකාලීනව පැවැති අවශ්‍යතාවකි. අදාළ විෂයයන් පිළිබඳ ඔවුන්ගේ දක්ෂතාව හා දැනුම සැලකිල්ලට ගනිමින් අවශ්‍ය අංශයන් සඳහා ඔවුන් පුහුණු කිරීම පිණිස වැඩසටහනක් සූදානම් කර මේ වන විට ක්‍රියාත්මක වේ. සේවකයින් හට ඉංග්‍රීසි හා දෙමළ භාෂාවන්හි මූලික අවබෝධයක් ලබාදෙනු පිණිස ද පංති පැවැත්වීමට අදහස් කර ඇත.
  • අපේ ගනුදෙනුකරුවන්ගේ පහසුව හා කාර්ය බහුල හෝරාවලදී සිදුවන තදබදය අවම කරලීම සඳහා අප ආයතනය වෛද්‍ය පරීක්ෂණ සඳහා පෙ.ව. 8.00 විවෘත කරනු ලැබේ. මේ සඳහා වෛද්‍ය නිලධාරින් හා සේවකයින් ස්වේච්ඡාවෙන් ම පෙරකී වේලාවට කටයුතු අරඹා ප.ව. 4.00 ට සේවය නිමකරයි.
  • ශාඛාවල, සේවාදායකයන්ගේ එක්ස්-කිරණ වාර්තා ලබාගැනීමට පිළිගත් ක්‍රමවේදයක් සකස් කළ අතර, එමගින් අතිරේක ආදායමක් ලබාගැනීමට හැකිවීම හා ගනුදෙනුකරුවන්ගේ අපහසුතා අවම කිරීමටද හැකි විය.
  • සමහර සේවක මණ්ඩල සාමාජිකයන්ගේ සුදුසුකම් හා ඔවුන් වර්තමානයේදී ඉටුකරන රාජකාරිද සැලකිල්ලට ගනිමින් ප්‍රධාන කාර්යාලයේ හා ශාඛාවල ද සේවයේ යෙදෙන අයගේ තනතුරු නාමයන් මණ්ඩලය මගින් අලුතින් අනුමත කරන ලද පිරිස් බල තක්සේරුවට අනුකුලව වෙනස් කරන ලදී.

2006/2007 වර්ෂයන්හිදී ක්‍රියාත්මක කිරීමට සැලසුම් කරන ලද ක්‍රියාමාර්ග

  • පරිගණක ජාලයක් හදුන්වා දීම.
    ගුණාත්මක හා කාර්යක්ෂම සේවයක් අප ආයතනය මගින් සැපයීම සඳහා ද, මෝටර් රථ ප්‍රවාහන කොමසාරිස්තුමාගේ දෙපාර්තමේන්තුව සමඟ ඒ මොහොතේම තොරතුරු හුවමාරු කරගැනීමෙන් මහජනතාවට වඩා යහපත් කාර්යක්ෂම සේවයක් ලබාදීම සඳහා ප්‍රධාන කාර්යාලය හා ශාඛා අතරද තොරතුරු හුවමාරුවට පරිගණක ජාලයක් ස්ථාපිත කිරීමට සැලසුම් කර ඇත.
  • මෝටර් වාහන ලියාපදිංචි කිරීමේ පනත සංශෝධනය කිරීම.
    ජාතික ප්‍රවාහන වෛද්‍ය ආයතනයේ බලය තහවුරු කිරීම සහ එයට නිත්‍යානුකූල බලතල ලබාගැනීම පිණිස, අප ආයතනය මෝටර් වාහන ලියාපදිංචි කිරීමේ පනතේ 124 වන වගන්තියට සංශෝධනයක් යෝජනා කරන ලදී. ගරු දුම්රිය හා ප්‍රවාහන ඇමතිතුමා යෝජිත සංශෝධන අනුමත කර, මෝටර් රථ ප්‍රවාහන කොමසාරිස්තුමා මගින් නීති සම්පාදන දෙපාර්තමේන්තුවට ඉහත සංශෝධන ඇතුලත් කිරීම සඳහා යොමුකර ඇත.
  • සේවක මණ්ඩලය ඵලදායිතාවය ඉහළ නැංවීමේ සැලසුම.
    සියලු ශ්‍රේණිවල සේවකයින් සඳහා කාර්ය සාධන ඇගයීම ඔවුන්ගේ රාජකාරි ස්වභාවය අනුව සිදුකෙරේ. මෙම ක්‍රියා පටිපාටිය පිළිබඳව සේවකයින් දැනුවත් කරන ලද අතර, ඔවුන්ගේ අවබෝධය තවදුරටත් දියුණු කිරීමට මේ පිළිබඳව විශේෂඥයින්ගේ සේවා ලබාගනිමින් සම්මන්ත්‍රණ කිහිපයක්ද පවත්වන ලදී. සියලුම අනාගත වැටුප් වැඩිවීම්, උසස්වීම්, ශිෂ්‍යත්ව ආදිය මෙම ඇගයීම්වලදී ලබාගන්නා ලකුණු අනුව තීරණය වනු ඇත.
  • ප්‍රධාන කාර්යාලීය ගොඩනැගිල්ල නවීකරණය කිරීම.
    වර්තමාන ගොඩනැගිල්ල ඉඩකඩ ඇහිරුණු, සැලසුම් සහගත වෛද්‍ය සේවාවක් ලබාදීමට ප්‍රමාණවත් නොවන හා පුළුල් කිරීම සඳහා ඉඩකඩ නොමැති ස්ථානයක්ද බැවින්, ආයතනය පිටුපස ඇති වටිනා හිස් ඉඩම ප්‍රයෝජනයට ගනිමින් සියලු නවීන පහසුකම් වලින් සමන්විත සය මහල් ගොඩනැඟිල්ලක් තැනීමට මණ්ඩලය තීරණය කර ඇත.
  • ජාතික ප්‍රවාහන වෛද්‍ය ආයතනයෙහි සංයුක්ත සැලැසීම.
    සංයුක්ත සැලැස්මක හදිසි අවශ්‍යතාවය අධ්‍යක්ෂ මණ්ඩලය වටහාගෙන තිබෙන බැවින්, සියලුම අංශවල සේවකයින් නියෝජනය වන ලෙස පත්කරන ලද කමිටුවකින් මෙම සංයුක්ත සැලැස්මේ අවසාන පියවරයන් මේ වන විට පිළියෙල වෙමින් පවතී.
 

Name (required)
E-mail (required, but will not display)
Country
Title
Comment
Notify me of follow-up comments
Security code
Refresh

නැවුම් පුවත්

Previous ඊළඟ
  • 1
  • 2
  • 3
  • 4
රත්මලාන ගුවන් තොටුපළෙන් ජාත්‍යන්තර වෙළඳ ගුවන් සේවා...(2017.03.10)

රත්මලාන ගුවන් තොටුපළෙන් ජාත්‍යන්තර වෙළෙඳ ගුවන් සේවා මෙහෙයුම් කටයුතු ආරම්භ කිරීමට නියමිත බව ප්‍රවාහන හා සිවිල් ගුවන් සේවා අමාත්‍යාංශය පවසයි.

පසුගියදා  පැමිණි මාල දිවයින් සංචාරක හා ගුවන් සේවා අමාත්‍ය මූසා සමීර් මහතා හා ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා අතර මෙම ගුවන් සේවා ආරම්භ කිරීම පිළිබඳ මූලික සාකච්ඡාව 2017.03.07 දින රත්මලාන ගුවන් තොටුපළ පර්යන්තයේදී පැවැත්විණි.

මෙම සාකච්ඡාවට ශ්‍රී ලංකාවේ මාලදිවයින් තානාපතිනය වන සහියා සාරීර්, මාල දිවයින් ජාත්‍යන්තර ගුවන් සමාගමේ කළමණාකරණ අධ්‍යක්ෂ අබ්දුල් හරීස්, ගුවන් මෙහෙයුම් ප්‍රධානි අහමඩ් ඊබ්‍රහිම්, ගුවන් තොටුපළ සමාගමේ සභාපති සමන් එදිරිවීර, විධායක අධ්‍යක්ෂ යොහාන් ජයරත්න යන මහත්වරුන්ද සහභාගි වූහ.

වැඩිදුර කියවීමට
රියදුරු පැසැල් ඇති කිරිමට රියදුරු පුහුණු උපදේශකයින් අවශ්‍යයි... (2017.03.08)

2017.03.08 දින බණ්ඩාරණායක සම්මන්ත්‍රණ ශාලාවේදී පැවති සමස්ත ලංකා රියදුරු පාසැල් හිමියන්ගේ වාර්ෂික සම්මේලනය අමතමින් ගරු අමාත්‍ය නිමල් සිරිපාල ද සිල්වා මහතා පවසා සිටියේ ඉදිරියේදි බලපත් ලාභී පුහුණු උපදේශකයින් යොදා ගනිමින් ගුණාත්මක භවයෙන් යුතු තාක්ෂණික හා ප්‍රයෝගික දැනුම සහිත රියදුරන් බිහි කිරීමට පියවර ගැනීම තම අපේක්ෂාව බවයි.

මෙම අවස්ථාවට නියෝජ්‍ය අමාත්‍ය අශෝක් අබේසිංහ, මෝටර් රථ ප්‍රවාහන කොමසාරිස් ජගත් චන්ද්‍රසිරි මහතා ඇතුළු විශාල පිරිසක් සහභාගි වූහ.

වැඩිදුර කියවීමට
ප්‍රතිසංවර්ධනය කරනු ලැබු ගුවන් ධාවන පථය මෙහෙයුම් කටයුතු වලට (2017.4.6)...

ප්‍රතිසංවර්ධන කටයුතු සඳහා පුරා මාස තුනක් පමණ දිවා කාලය තුල වසා දමා තිබු කටුනායක බණ්ඩාරණායක ජාත්‍යන්තර ගුවන් තොටුපල සිය මෙහෙයුම් කටයුතු සඳහා 2017.04.06 දින විවෘත කරනු ලැබුයේ ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මැතිතුමාගේ ප්‍රධානත්වයෙනි.

නෙදර්ලන්තයේ නැෂනල් එරෝ ටෙක්නොලොජි ඉන්ටර්නැෂනල් සමාගමේ (NACO) උපදේශකත්වය යටතේ චීනයේ (CATIC)කැතික් සමාගම විසින් ඉදිකිරීම් කටයුතු සිදු කරන ලද මෙම ව්‍යාපෘතිය සඳහා රුපියල් බිලියන 7.2 ක් වැය වී ඇත.

මෙම උත්සව අවස්ථාවට ප්‍රවාහන හා සිවිල් ගුවන් සේවා නියෝජ්‍ය අමාත්‍ය අශෝක් අබේසිංහ මහතා ඇතුළු අමාත්‍යවරුන්, අමාත්‍යාංශ නිලධාරීන් හා විදේශ තානාපතිවරුන් ඇතුළු විශාල පිරිසක් සහභාගී වූහ.

වැඩිදුර කියවීමට
International Civil Aviation Organization Air Services ...(2017.12.06)

The Inaugural session of International Civil Aviation Organization Air Services Negotiation conference – 2017 was held on 04th December 2017 at BMICH in Colombo. The conference was declared open by Hon. Minister Nimal Siripala de Silva and Deputy Minister Hon. Ashok Abeysinghe also participated.

Mr. Ananda Wimalasiri, Chairman of the Civil Aviation Authority handed over the special edition of ‘GUWANSARA’ magazine to the Minister at the session.

The Secretary, Mr.G.S.Withanage and Director General of the Civil Aviation Authority also attended.

වැඩිදුර කියවීමට
මඩකලපුව ගුවන් තොටුපළ සිවිල් ගුවන් සේවා සඳහා විවෘත වේ

1958 වසරේ නොවැම්බර් මස 17 වන දින සිවිල් ගුවන් සේවා දෙපාර්තමේන්තුව යටතේ ආරම්භ කරනු ලැබූ මඩකලපුව අභ්‍යන්තර ගුවන් තොටුපළ වසර ගණනාවක් පුරා රට තුළ පැවති කුරිරු යුධමය වාතාවරණය හේතුවෙන් වසර 25 කට ආසන්න කාලයක් යුධ හමුදා හා ගුවන් හමුදා මෙහෙයුම් කටයුතු සඳහා පරිහරණය කරන ලදී. නමුත් රට තුළ පවතින වත්මන් සාමකාමී තත්ත්වය පදනම් කර ගනිමින් මෙම ගුවන් තොටුපළ යළි ප්‍රතිසංවර්ධනය කර ජනාධිපති මෛත්‍රීපාල සිරිසේන මැතිතුමා විසින් 2016 වසරේ ජූලී 16 වන දින විවෘත කරන ලදී.
වත්මන් රජය විසින් රට තුළ අභ්‍යන්තර ගුවන් සේවා ප්‍රචලිත කිරීම හා නැගෙනහිර පළාතේ දේශිය හා විදේශීය සංචාරක ව්‍යාපාරය පුළුල් කිරීමේ අරමුණ ඇතුව මඩකලපුව අභ්‍යන්තර ගුවන් තොටුපළ සිවිල් ගුවන් සේවා අධිකාරියට පැවරීමෙන් අනතුරුව, ගුවන් යානා මෙහෙයුම් හා සේවා කටයුතු ගුවන් තොටුපළ හා ගුවන් සේවා සමාගම විසින් මාර්තු 25 වෙනි ඉරුදින ආරම්භ කෙරිණ. ඒ අනුව ප්‍රථම සිවිල් ගුවන් සේවාව ආරම්භ කරමින් ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා, එම නියෝජ්‍ය අමාත්‍ය අශෝක් අබේසිංහ යන අමාත්‍යවරුන් හා අමාත්‍යාංශ ලේකම් ජී.එස්.විතානගේ මහතා ඇතුළු නිළධාරීන් පිරිසක් සහ මගීන් රැගත් ගුවන් යානය 2018.03.25 දින පෙරවරු 10.30 ට මඩකලපුව ගුවන් තොටුපළට ළඟාවන ලදී.
ඉන් අනතුරුව අමාත්‍යවරුන් විසින් මගී පර්යන්ත ගොඩනැගිල්ල විවෘත කෙරුණු අතර, සිවිල් ගුවන් සේවා අධිකාරියේ අධ්‍යක්ෂ ජෙනරාල් එච්.එම්.සී.නිමලසිරි  මහතා විසින් ගුවන් යානා මෙහෙයුම් කටයුතුවලට අවසරය ලබාදෙන බලපත්‍රය ගුවන් තොටුපළ හා ගුවන් සේවා සමාගමේ සභාපති සමන් එදිරිවීර මහතා වෙත භාරදෙන ලදී.
මෙම ගුවන් තොටුපළ නවීකරණය කොට ප්‍රතිසංවර්ධනය කිරීමට රුපියල් මිලියන 1400 ක මුදලක් රජය විසින් වැය කර ඇත. ඒ අනුව මීටර් 1066 ක් දිගින් හා මීටර් 46 ක් පළලින් යුතු ධාවන පථය බිටුමින් ආස්තරයක් යොදා  (BITUMEN LAYER) ප්‍රතිසංවර්ධනය කොට ධාවන පථයේ නව විදුලි පද්ධතියක්ද ස්ථාපිත කොට ඇත. මීට අමතරව මගී පර්යන්ත ගොඩනැගිල්ලද සියලු පහසුකම් සහිතව නවීකරණය කොට ඇත.

මඩකලපුව ගුවන් තොටුපළ, මඩකලපුව නගරයේ සිට 1.7 km ක් පමණ දුරින් සේත්තුකුඩා යන ප්‍රදේශයේ පිහිටා ඇති අතර, කටුනායක සිට 206 km ක් හා රත්මලාන ගුවන් තොටුපළේ සිට 222 km ක දුරින් පිහිටා ඇත. මෙම ගුවන් තොටුපළේ සියලු කාර්යයභාරයන් ගුවන් තොටුපළ හා ගුවන් සේවා සමාගම විසින් සිදු කෙරෙන අතර, පෞද්ගලික ගුවන් සේවා සමාගම් කිහිපයක්ම මේ වන විට රත්මලාන හා මඩකලපුව අතර මගී ගුවන් සේවා පවත්වාගෙන යෑම සඳහා කැමැත්ත පළ කර ඇති අතර, මේ තුළින් රජයට ආර්ථික ප්‍රතිලාභ ළඟාකර ගත හැක.
එමෙන්ම මෙම ගුවන් තොටුපල පරිශ්‍රය තුළ ගුවන් පුහුණු පාසලක් ආරම්භ කිරීමටද අමාත්‍යාංශය සැලසුම් කර ඇත.

වැඩිදුර කියවීමට
2018.07.12

මින් ඉදිරියට පරිගණක ස්පර්ශ තිර (Touch Screen) භාවිතයෙන්  රියදුරු ලිඛිත පරික්ෂණ

රියදුරු බලපත්‍ර ලබාගැනීමේදී  අයදුම්කරුවන් මෙතෙක් මුහුණදුන් ලිඛිත පරීක්ෂණය වෙනුවට මෝටර් රථ කොමසාරිස් දෙපාර්තමේන්තුව විසින් පරිගණක ස්පර්ශ තිර භාවිතා කිරීම හදුන්වාදීම රියදුරු බලපත්‍ර ලබාගන්න සිටින අයට විශාල පහසුවක්.
මෙතෙක් පැවති පැරණි ක්‍රමය අනුව රියදුරු බලපත් ලබාගැනීම සඳහා ලිඛිත පරීක්ණයට පෙනීසිටි අයදුම්කරුවන් හට සිදුවු අපහසුතාවයන්, ප්‍රමාදයන් හා අක්‍රමිකතා පිළිබඳවත් මාධ්‍ය මගින් නිරන්තරයෙන්ම හෙළිදරව් කර තිබුනා. ඒ නිසා මෙම අඩුපාඩු මගහරවා ගැනීම සඳහාත් නවීන තාක්ෂණික ක්‍රමවේදයන් භාවිතා කරමින් අයදුම්කරුවන්ට අපහසුතායවයකින් හා ප්‍රමාදයකින් තොරව ලිඛිත පරීක්ෂණයට මුහුණ දීමට හැකි ක්‍රමයන් අනුගමනය කරන ලෙස මා මීට පෙර මෝටර් රථ කොමසාරිස්තුමාට උපදෙස් දීලා තිබුනා. අද වන විට පරිගණක ස්පර්ශ ක්‍රම භාවිත ක්‍රමය මෝටර් රථ කොමසාරිස් දෙපාර්තමේන්තුව හදුන්වා දී ඇති බව ප්‍රවාහන හා සිවිල් ගුවන්සේවා අමාත්‍ය නිමල් සිරිපාල ද සිල්වා මහතා ප්‍රකාශ කළේය.
ඒ මහතා මේ බව ප්‍රකාශ කළේ අද (2018.07.12) දින පෙරවරුවේ වේරහැර මෝටර්රථ ප්‍රවාහන කොමසාරිස් දෙපාර්තමේන්තු කාර්යාල පරිශ්‍රයේදී පැවති පරිගණක ස්පර්ශ තිර භාවිතා ක්‍රමය හදුන්වාදීමේ උත්සව අවස්ථාවකදීය.
මෙහිදී තවදුරටත් අදහස් දැක්වු අමාත්‍යවරයා: මෝටර් රථ ප්‍රවාහන කොමසාරිස් දෙපාර්තමේන්තුව මේ වන විටත් නවීන තාක්ෂණ ක්‍රමවේදයන් භාවිත කරන්න පෙළඹිලා තියෙනවා. ඒක ජනතාවටත් ඉතාමත්ම පහසුයි. ඒ වගේම පරිපාලනමය ගැටලුත් අඩුයි. ඒ වගේම විෂමාචාරත් අඩුයි. මේ නවීන තාක්ෂණය තවදුරටත් අනුගමනය කරන්න ඕන.
විශේෂයෙන් ඊ මෝටරින් ක්‍රමයත් අපි කඩිනමින්ම හදුන්වාදෙන්න ඕන. මේ තුළින් නිවසේ සිටම තම පරිගණකයෙන් හෝ ජංගම දුරකතනයෙන් මෝටර් රථ දෙපාර්තමේන්තුවත් එක්ක සම්බන්ධ වෙන්න පුලුවන්.
මේ තුළින් ජනතාවට විශාල පහසුවක් ලැබෙනවා. තමන්ගේ කාලය හා ශ්‍රමය ඉතිරි වෙනවා. ඒ වගේම විනිවිදභාවයකින් යුතුව කටයුතු කරන්නත් පුලුවන්.
ඒ වගේම වාහන හිමියන්ගෙන් එන තවත් පැමිණිල්ලක් තියෙනවා ඒ වාහන යෝග්‍යතා පරීක්ෂාව හා බර සම්බන්ධ සහතික ලබාගැනීම. මම ඒකටත් යෝජනා කරනවා ඒ වාහන ආනයනය කරන ආයතන මගින්ම මේ වාහන වල තත්ත්ව පරීක්ෂණ ලබාදෙන්න කියලා.
ඒ වගේම තවදුරටත් ලිපිගොණු පුරවගෙන ගොඩගහගෙන ඉන්න අවශ්‍ය නැහැ. ඒ සියලු දේවල් පරිගණක ගත කළයුතුයි. මේක සියලු දෙනාටම පහසුයි යැයිද ප්‍රකාශ කළේය.
ප්‍රථම අදියර යටතේ රුපියල් මිලියන 39 ක වියදමින් පරිගණක තිර 143ක් සවිකර ඇති අතර  වේරහැර කාර්යාලයේදී මෙම පහසුකම් අද දින (2018.07.12) ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් මහජන සේවයට විවෘත විය.එළඹෙන ලබන වසරෙදි (2019) වර්ෂයේදී මෝටර් රථ ප්‍රවාහන දෙපාර්තමේන්තුවේ ප්‍රාදේශිය කාර්යාල 24 සඳහාම මෙම පහසුකම් ලබාදීමට කටයුතු කරන බව මෝටර්රථ ප්‍රවාහන දෙපාර්තමේන්තුව ප්‍රකාශ කරයි.
නව රියදුරු බලපත්‍ර ලබා ගැනීමට ලිඛිත පරීක්ෂණය සඳහා දිනකට අයදුම්කරුවන් 3000 ක් පමණ කොළඹ ඇතුළුව දිවයින පුරා මෝටර් රථ ප්‍රවාහන දෙපාර්තමේන්තු ශාඛා කාර්යාල වෙත යොමු වේ. වේරහැර කාර්යාලය වෙත පමණක් දිනකට 350ක් පමණ අයදුම්කරුවන් ලිඛිත පරීක්ෂණය සඳහා ඉදිරිපත් වන බව එම දෙපාර්තමේන්තුව පවසයි.
මෙහිදී අයදුම්කරුවන් හට ප්‍රමාදවීම් ද, ලිඛිත පරීක්ෂණය පැවැත්වීමේදි විවිධ පරිපාලනමය ගැටළු ද මතු වි ඇත. ඒ අනුව නවීන තාක්ෂණයෙන් යුතු මෙම නව ක්‍රමය හදුන්වාදීමේදි අයදුම්කරුවන්ට මුහුණුදීමට සිදු වන අපහසුතාවයන් අවම කරලීමට මෝටර් රථ කොමසාරිස් දෙපාර්තමේන්තුවට හැකි වන විශ්වාසය පල කෙරේ.
නව ක්‍රමය අනුව පරිගණක තිරයේ දිස්වන ප්‍රශ්නවලට අදාල නිවැරදි පිළිතුරු ස්පර්ශ කිරිමේන් ලබා දිය හැක. මෙයට අමතරව අයදුම්කරුවන්ට තමා සැපයු පිළිතුර පිළිබදව නැවත පරික්ෂා කිරිමට හා පිළිතුරු සංශෝධනය කිරිමට හැකි වේ. ඊට අමතරව මෙම ක්‍රමය තුලින් පහත සදහන් ප්‍රතිලාභ අයදුම්කරුවන්ට ලැබෙනු ඇත.

•    එම අවස්ථාවේදිම තමා මුහුණ දුන් විභාග පරික්ෂණයේ ප්‍රතිඵල පරිගණක තිරය තුල දිස්වීම
•    විභාගය සදහා ඉතිරිව ඇති කාල සීමාව පරිගණක තිරය මත සදහන් වීම.
•    එක් එක් අයදුම්කරු පරික්ෂණයට මුහුණ දි අවසන් වු වහාම ඔවුන්ගෙන් සමත් අය හට පුහුණුවන්නකුගේ අවසරපත්‍රය ලබා ගැනිමට ද  අසමත් අයට  යළි පරික්ෂණය සදහා දිනයක් ලබා ගැනිමටද අප්‍රමාදව කටයුතු කළ හැකි වීම.
•    ඕනෑම අවස්ථාවකදි විභාග අපේක්ෂකයකු විසින් සලකුණු පිළිතුරු මොනවාද යන්න හා එම අපේක්ෂකයා ලබා ගත් ලකුණු පිළිබද වෙනස් කළ නොහැකි විගණන සටහන් පරිගණක පද්ධතියෙන් සටහන්ව තිබිම හා ඒවා යළි විමර්ෂණයට ලක් කළ හැකි විම.
ඒ අනුව ඉහතින් සදහන් පරිදි මෙම නව ස්පර්ශ තිර ආශ්‍රයෙන්  රියදුරු බලපත්‍ර පරික්ෂණය පැවැත්විම මගින් ඒ සදහා සහභාගීවන අපෙක්ෂකයින්ටත්, දෙපාර්තමේන්තුවටත් ඉතා විශාල කාර්යක්ෂමතාවයක් ලැබෙතැයි අපේක්ෂා කෙරේ.
මෙම අවස්ථාවට ප්‍රවාහන නියෝජ්‍ය අමාත්‍ය අශෝක් අබේසිංහ, අමාත්‍යාංශ ලේකම් ජී.එස්.විතානගේ, මෝටර්රථ ප්‍රවාහන කොමසාරිස් ජගත් චන්ද්‍රසිරි යන මහත්වරුන් ඇතුළු නිළධාරීන් රැසක්ද සහභාගි විය.

වැඩිදුර කියවීමට
2018.07.26

 

ගුවන් සුරක්ෂිතතාවය අතින් ශ්‍රී ලංකාව දකුණු ආසියාවේ පළමු තැනට පත්වෙලා.......................
ප්‍රවාහන හා සිවිල් ගුවන් සේවා අමාත්‍ය - නිමල් සිරිපාල ද සිල්වා



ජාත්‍යන්තර සිවිල් ගුවන් සේවා සංවිධානය විසින් (International Civil Aviation Organization)  2018 ජුනි මස 04 වන දින සිට 14 වන දින දක්වා සිවිල් ගුවන් සේවා අධිකාරිය තුළ සිදුකළ විගණනයෙන් පසු දෙන ලද වාර්තාව අනුව ගුවන් සුරක්ෂිතතාවය අතින් ශ්‍රී ලංකාව දකුණු ආසියාවේ පළමු තැනට පත්ව ඇති බව ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා පවසයි.

අමාත්‍යවරයා මෙම අදහස් පලකලේ, ජාත්‍යන්තර ගුවන් සේවා සංවිධාන වාර්තාව ගුවන් සේවා අධිකාරියේ අධ්‍යක්ෂක ජෙනරාල් එච්.එම්.නිමලසිරි මහතා විසින් අමාත්‍යවරයාට පිළිගැන්වු අවස්ථාවේදීය.

ගුවන් සේවා අධිකාරිය විසින් ලැබු මෙම ජයග්‍රහණය පිළිබඳව ශ්‍රී ලංකාවේ ගුවන් සේවා කේෂත්‍රයේ නියුතු සියලු අංශ දැනුවත් කිරීම සඳහා පැවති සම්මන්ත්‍රණයක් ගුවන් සේවා අධිකාරියේ 2018.07.25 වන දින පස්වරුවේ කටුනායක පිහිටි ගුවන් සේවා අධිකාරී සම්මන්ත්‍රණ ශාලාවේදී පැවැත්විණ.

ශ්‍රි ලංකාවේ ගුවන් සේවයේ නියුතු සාමාජිකයන් හමුවේ තවදුරටත් කරුණු දක්වමින්, අමාත්‍ය නිමල් සිරිපාල ද සිල්වා මහතා :දිනකට කටුනායක ජාත්‍යන්තර ගුවන් තොටුපලට ගුවන් යානා 165 ක් පමණ ගොඩබාන සහ ගුවන්ගත වන බව හෙලි වී ඇති බවත්, දිනකට මගීන් 27000 ක් පමණ මෙම ගුවන් තොටුපල පරිහරණය කරන අවස්ථාවේදී ලද මෙම ජයග්‍රහණය ශ්‍රී ලංකාවේ ගුවන් සේවා කේෂත්‍රයට ඉතාමත් ගෞරවයක් ගෙනදුන් අවස්ථාවක්, ඉදිරියට මෙම තත්ත්වය තවදුරටත් ඉහළ නංවා ගැනීම කේෂත්‍රයේ සිටින සියලු අංශ එකට එක්විය යුතුයි.  ශ්‍රී ලංකාවේ ජාත්‍යන්තර ගුවන් සේවා කටයුතු ඉහළ මට්ටමක පැවතුණත්, තවදුරටත් රට තුළ අභ්‍යන්තර ගුවන් සේවා කටයුතු පිළිබඳව යම් මට්ටමකින් අඩුවක් පවතින බව මෙහිදී අමාත්‍යවරයා පැවසීය.

මෙම අභ්‍යන්තර ගුවන් සේවා කටයුතු පුළුල් කිරීම සඳහා ප්‍රවාහන හා සිවිල් ගුවන් සේවා අමාත්‍යාංශය විසින් විශාල කාර්යභාරයක් ඉටුකර තිබෙනවා. රත්මලාන ගුවන් තොටුපල පුළුල් කිරීම, මඩකලපුව ගුවන් තොටුපල නවීකරණය කොට, සිවිල් ගුවන් සේවා කටයුතු සඳහා විවෘත කිරීම වැනි කාර්යයන් මේ වසර තුළ සිදුකර තිබෙනවා.

එමෙන්ම විශේෂ පියවරක් ලෙස කටුනායක බණ්ඩාරනායක ගුවන් තොටුපල පරිශ්‍රය තුළ අභ්‍යන්තර ගුවන් සේවා පවත්වාගෙන යාම සඳහා නව පර්යන්තයක් ආරම්භ කිරීමට අමාත්‍ය මණ්ඩල අනුමැතිය ලබාගෙන ඇති අතර, මේ වන විට එම ඉදිකිරීම් කටයුතු ආරම්භ කිරීමට සියලු සැළසුම් සිදුකර තිබෙනවා.

තවදුරටත් කරුණු දැක්වු අමාත්‍යවරයා: නේපාලය වැනි දකුණු ආසියාවේ කුඩා රටවල් තුළ පවා අභ්‍යන්තර ගුවන් සේවා කටයුතු මනා අන්දමින් පවත්වාගෙන යන බවත් ඒවා ආදර්ශයට ගනිමින් ශ්‍රී ලංකාව තුළද, අභ්‍යන්තර ගුවන් සේවාව පුළුල් අන්දමින් සිදුකළ යුතු වෙනවා. නමුත් මෙම කටයුතු රජයට පමනක්ම සිදුකල නොහැකි අතර, මේ සඳහා පෞද්ගලික ගුවන් සේවා අංශයේ පූර්ණ මැදිහත්වීම අවශ්‍යබවයි මගේ හැගීම.

අභ්‍යන්තර ගුවන් සේවාව රට තුළ  ප්‍රචලිත කිරීමට නම්, ශ්‍රී ලාංකික සංචාරකයින්ටද දරාගත හැකි වන පරිදි ගුවන් ටිකට්පත්වල මිල අඩුකළ යුතු බවට කරුණු දැක්වු අමාත්‍යවරයාට අභ්‍යන්තර ගුවන් සේවා වල නියුතු සාමාජිකයින් පැවසුයේ, මෙයට ප්‍රධාන බාධකය වී ඇත්තේ වැඩි වී ඇති වැට් බද්ද බවයි. මෙම වැට් බද්ද අනිවාර්යයෙන්ම ගුවන් මගියාගෙන් අයකරගැනීමට සිදුවන බැවින්, මේ පිළිබඳව සහනයක් ලබාදෙන ලෙස ඔවුන් අමාත්‍ය නිමල් සිරිපාල ද සිල්වා මහතාගෙන් ඉල්ලීමක් කළේය. එහිදී අමාත්‍යවරයා පැවසුයේ, ඉදිරි දිනකදී මුදල් අමාත්‍යවරයා සමග පුළුල් සාකච්ඡා පවත්වා යම් පියවරක් ගැනීමට කටයුතු කරන බවයි.

එමෙන්ම බණ්ඩාරනායක ජාත්‍යන්තර ගුවන් තොටුපලේ මගී පර්යන්ත තුළ ඇති වී තිබෙන මගී තදබදය අවම කිරීමට, නිමැයු පර්යන්ත ගොඩනැගිල්ලක් සවිකිරීම ඉදිරි මාස 06 ක කාලයක් තුළ කටයුතු කරන බවද, අමාත්‍යවරයා මෙහිදී අවධාරණය කළේය.

මෙම අවස්ථාවේදි අධ්‍යක්ෂක ජෙනරාල් එච්.එම්.නිමලසිරි මහතා විසින් ජාත්‍යන්තර සිවිල් ගුවන් සේවා සංවිධානයේ වාර්තාව අමාත්‍ය නිමල් සිරිපාල ද සිල්වා මහතා භාරදෙන ලදි.


වැඩිදුර කියවීමට