Tamil-Sri LankaEnglish (United Kingdom)

Ministry of Transport

ඔබ මෙතනයි:  මුල් පිටුව අප ගැන හැඳින්වීම

හැඳින්වීම

දැක්ම

"ශ්‍රී ලංකාව කලාපය තුල ප්‍රමුඛතම මහජන කේන්ද්‍රීය ප්‍රවාහන පද්ධතිය සහිත රට බවට පත්කිරීම"

මෙහෙවර

"ජනතාවගේ ජීවන තත්වයන් නගා සිටුවීම උදෙසා නව්‍යතම තාක්ෂණික ක්‍රමෝපායන් භාවිතා කරමින් ඉතා උසස් ප්‍රවාහන යටිතල පහසුකම් ක්‍රියාත්මක කිරීම, සංවර්ධනය සහ තිරසාරව පවත්වාගෙන යාම"

ප්‍රවාහන අමාත්‍යාංශයෙහි කාර්යයන් හා කර්තව්‍යයන්

  • ප්‍රවාහන විෂයට සහ ශ්‍රී ලංකා දුම්රිය දෙපාර්තමේන්තුව, ශ්‍රී ලංකා මධ්‍යම ගමනාගමන මණ්ඩලය, ජාතික ප්‍රවාහන වෛද්‍ය ආයතනය, මොටර් රථ ප්‍රවාහන දෙපාර්තමේන්තුව, ජාතික ප්‍රවාහන කොමිෂන් සභාව, සිවිල් ගුවන්සේවා අධිකාරිය හා සීමාසහිත ගුවන් තොටුපළ හා ගුවන්සේවා (ශ්‍රී ලංකා) සමාගම යන දෙපාර්තමේන්තු හා ව්‍යවස්ථාපිත අයතනයන්හි විෂයයන්ට අදාළ ප්‍රතිපත්ති, වැඩසටහන් සහ ව්‍යාපෘති සම්පාදනය කිරීම, පසු විපරම් කිරීම සහ ඇගයීම.
  • නව තාක්ෂණය යොදා ගනිමින් ඒකාබද්ධ මගී සහ භාණ්ඩ දුම්රිය ප්‍රවාහන සේවා කාර්යක්ෂම කිරීම සඳහා අවශ්‍ය පියවර ගැනීම සහ දුම්රිය යටිතල පහසුකම් සංවර්ධනය හා දුම්රිය සේවා සැපයීම.
  • මගී තොටුපල සේවාවන් සැපයීම.
  • ආරක්ෂාකාරී සහ විශ්වාසනීය මගී ප්‍රවහන සේවාවක් සැපයීම.
  • පරිසර හිතකාමී ප්‍රවාහන පද්ධතියක් හඳුන්වාදීම.
  • පෞද්ගලික මගී ප්‍රවාහන සේවාවන් නියාමනය කිරීම.
  • නව දුම්රිය මාර්ග ඉදිකිරීමට අදාළව ඉඩම් පවරා ගැනීම සහ යටිතල පහසුකම් සංවර්ධනය ඇතුලු සියලු කටයුතු
  • මෝටර් රථ වාහන ලියා පදිංචි කිරීම සහ බලපත්‍ර නිකුත් කිරීම.
  • රියදුරු බලපත්‍ර නිකුත් කිරීම.
  • මෝටර් රථවාහනවලට අදාළ නීතිරීති සහ මාර්ගෝපදේශ නිකුත් කිරීම සහ නියාමනය කිරීම.
  • ගුවන් තොටුපලවල් සංවර්ධනය සහ නියාමන කටයුතු සිදු කිරීම.
  • ගුවන්තොටුපල මගින් සැලසෙන සේවාවන්වල ප්‍රගතිය, ගාස්තු සහ ගුණත්මකභාවය නියාමනය කිරීම.
  • ජාත්‍යන්තර ගුවන් ගමන් පුළුල් කිරීම සඳහා අනෙකුත් රටවල් සමග ගිවිසුම්වලට එළඹීම ඇතුලුව අනෙකුත් අවශ්‍ය පියවර ගැනීම.
  • ශ්‍රී ලංකාවේ ගුවන් තොටුපලවල් විදෙශ රටවල් විසින් භාවිතා කිරීමට අදාළ ප්‍රවර්ධනය හා නියාමනය.
  • පුද්ගලික ගුවන් ගමන් සේවා අධීක්ෂණය සහ නියාමනය.
  • ගුවන්යානා ලියාපදිංචි කිරීම.
  • ශ්‍රී ලංකා දුම්රිය දෙපාර්තමේන්තුව, ශ්‍රී ලංකා මධ්‍යම ගමනාගමන මණ්ඩලය, ජාතික ප්‍රවාහන වෛද්‍ය ආයතනය, මොටර් රථ ප්‍රවාහන දෙපාර්තමේන්තුව, ජාතික ප්‍රවාහන කොමිෂන් සභාව, සිවිල් ගුවන්සේවා අධිකාරිය හා සීමාසහිත ගුවන් තොටුපළ හා ගුවන්සේවා (ශ්‍රී ලංකා) සමාගම යන දෙපාර්තමේන්තු හා ව්‍යවස්ථාපිත අයතනයන්හි පැවරී ඇති අනෙකුත් සියලුම විෂයන්ට අදාළ කටයුතු
  • ශ්‍රී ලංකා දුම්රිය දෙපාර්තමේන්තුව, ශ්‍රී ලංකා මධ්‍යම ගමනාගමන මණ්ඩලය, ජාතික ප්‍රවාහන වෛද්‍ය ආයතනය, මොටර් රථ ප්‍රවාහන දෙපාර්තමේන්තුව, ජාතික ප්‍රවාහන කොමිෂන් සභාව, සිවිල් ගුවන්සේවා අධිකාරිය හා සීමාසහිත ගුවන් තොටුපළ හා ගුවන්සේවා (ශ්‍රී ලංකා) සමාගම යන දෙපාර්තමේන්තු හා ව්‍යවස්ථාපිත අයතනයන්හි අධීක්ෂණය කිරීම.

 

 

නැවුම් පුවත්

Previous ඊළඟ
  • 1
  • 2
රත්මලාන ගුවන් තොටුපළෙන් ජාත්‍යන්තර වෙළඳ ගුවන් සේවා...(2017.03.10)

රත්මලාන ගුවන් තොටුපළෙන් ජාත්‍යන්තර වෙළෙඳ ගුවන් සේවා මෙහෙයුම් කටයුතු ආරම්භ කිරීමට නියමිත බව ප්‍රවාහන හා සිවිල් ගුවන් සේවා අමාත්‍යාංශය පවසයි.

පසුගියදා  පැමිණි මාල දිවයින් සංචාරක හා ගුවන් සේවා අමාත්‍ය මූසා සමීර් මහතා හා ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා අතර මෙම ගුවන් සේවා ආරම්භ කිරීම පිළිබඳ මූලික සාකච්ඡාව 2017.03.07 දින රත්මලාන ගුවන් තොටුපළ පර්යන්තයේදී පැවැත්විණි.

මෙම සාකච්ඡාවට ශ්‍රී ලංකාවේ මාලදිවයින් තානාපතිනය වන සහියා සාරීර්, මාල දිවයින් ජාත්‍යන්තර ගුවන් සමාගමේ කළමණාකරණ අධ්‍යක්ෂ අබ්දුල් හරීස්, ගුවන් මෙහෙයුම් ප්‍රධානි අහමඩ් ඊබ්‍රහිම්, ගුවන් තොටුපළ සමාගමේ සභාපති සමන් එදිරිවීර, විධායක අධ්‍යක්ෂ යොහාන් ජයරත්න යන මහත්වරුන්ද සහභාගි වූහ.

වැඩිදුර කියවීමට
රියදුරු පැසැල් ඇති කිරිමට රියදුරු පුහුණු උපදේශකයින් අවශ්‍යයි... (2017.03.08)

2017.03.08 දින බණ්ඩාරණායක සම්මන්ත්‍රණ ශාලාවේදී පැවති සමස්ත ලංකා රියදුරු පාසැල් හිමියන්ගේ වාර්ෂික සම්මේලනය අමතමින් ගරු අමාත්‍ය නිමල් සිරිපාල ද සිල්වා මහතා පවසා සිටියේ ඉදිරියේදි බලපත් ලාභී පුහුණු උපදේශකයින් යොදා ගනිමින් ගුණාත්මක භවයෙන් යුතු තාක්ෂණික හා ප්‍රයෝගික දැනුම සහිත රියදුරන් බිහි කිරීමට පියවර ගැනීම තම අපේක්ෂාව බවයි.

මෙම අවස්ථාවට නියෝජ්‍ය අමාත්‍ය අශෝක් අබේසිංහ, මෝටර් රථ ප්‍රවාහන කොමසාරිස් ජගත් චන්ද්‍රසිරි මහතා ඇතුළු විශාල පිරිසක් සහභාගි වූහ.

වැඩිදුර කියවීමට
ප්‍රතිසංවර්ධනය කරනු ලැබු ගුවන් ධාවන පථය මෙහෙයුම් කටයුතු වලට (2017.4.6)...

ප්‍රතිසංවර්ධන කටයුතු සඳහා පුරා මාස තුනක් පමණ දිවා කාලය තුල වසා දමා තිබු කටුනායක බණ්ඩාරණායක ජාත්‍යන්තර ගුවන් තොටුපල සිය මෙහෙයුම් කටයුතු සඳහා 2017.04.06 දින විවෘත කරනු ලැබුයේ ප්‍රවාහන හා සිවිල් ගුවන් සේවා අමාත්‍ය නිමල් සිරිපාල ද සිල්වා මැතිතුමාගේ ප්‍රධානත්වයෙනි.

නෙදර්ලන්තයේ නැෂනල් එරෝ ටෙක්නොලොජි ඉන්ටර්නැෂනල් සමාගමේ (NACO) උපදේශකත්වය යටතේ චීනයේ (CATIC)කැතික් සමාගම විසින් ඉදිකිරීම් කටයුතු සිදු කරන ලද මෙම ව්‍යාපෘතිය සඳහා රුපියල් බිලියන 7.2 ක් වැය වී ඇත.

මෙම උත්සව අවස්ථාවට ප්‍රවාහන හා සිවිල් ගුවන් සේවා නියෝජ්‍ය අමාත්‍ය අශෝක් අබේසිංහ මහතා ඇතුළු අමාත්‍යවරුන්, අමාත්‍යාංශ නිලධාරීන් හා විදේශ තානාපතිවරුන් ඇතුළු විශාල පිරිසක් සහභාගී වූහ.

වැඩිදුර කියවීමට
ශ්‍රී ලංකාවේ ගුවන් පියාසර කටයුතු සඳහා A.D.S.B තාක්ෂණය (2017.11.15)

ගුවන් පියාසර කටයුතු සඳහා මෙතෙක් භාවිතා කළ රේඩාර් තාක්ෂණය වෙනුවට නවීනතම අධි තාක්ෂණික ක්‍රමවේදයක් වන චන්ද්‍රිකා මගින් සිදු කෙරෙන ස්වයංක්‍රීය ආරක්ෂිත නිරීක්ෂණ (Automatic Dependence Surveillance-Broad Casting) ක්‍රමය ශ්‍රී ලංකාවේ ආරම්භ කිරීම ප්‍රවාහන අමාත්‍ය නිමල් සිරිපාලද සිල්වා මැතිතුමාගේ ප්‍රධානත්වයෙන් 2017.11.15 වන දින රත්මලාන ගුවන් තොටුපල පාලක මැදිරියේදී උත්සවාකාරයෙන් සිදු කෙරිණ.

මෙම නවීනතම තාක්ෂණය යොදා ගැනීම තුලින් පරිසර හිතකාමී සේවාවක් ලබාදීම, ක්ෂණිකව ගුවන්යානා තිබෙන ස්ථාන පිළිබඳ නිරවද්‍ය තොරතුරු ලබාගත හැකිවීම, මෙන්ම ශ්‍රී ලංකා ගුවන් තලයට පැමිණෙන සියළුම ගුවන්යානා වල ආරක්ෂාව වඩාත් තහවුරු කර ගැනීමට හැකිවීම තුළින් වඩාත් කාර්යක්ෂම සේවාවක් ලබා දීමට හැකි වනු ඇත.

වැඩිදුර කියවීමට